Молиявий натижалар ҳисобининг аҳамияти ва вазифалари

4. Асосий фаолиятдан олинган бошқа даромадлар ҳисоби
Асосий ишлаб чиқариш фаолиятидан олинадиган бошқа даромадларга қуйидагилар киради:
- ундирилган ёки қарздор томонидан эътироф этилган жарималар, пенялар, вақтида тўланмаган қарзлар ва хўжалик шартномалари шартларини бузганлик учун бошқа хил жазо жарималари, шунингдек етказилган зарарларни ундириш бўйича даромадлар;
- ҳисобот йилида аниқланган ўтган йиллардаги фойда;
- ишлаб чиқариш ва маҳсулотлар (ишлар, хизматлар)ни сотиш билан бевосита боЁлиқ бўлмаган операциялардан рента даромади, хўжалик юритувчи субъектлар ҳузуридаги ошхоналардан тушумлар, ёрдамчи хизматлардан даромадлар сифатидаги кирим қилинган бошқа даромадлар;
- хўжалик юритувчи субъектнинг асосий фондларини ва бошқа мол-мулкларини сотишдан олинган даромадлар;
- даъво муддати ўтган кредиторлик ва депонент қарзларни ҳисобдан чиқаришдан олинган даромадлар;
- товар-моддий бойликларни қайта баҳолаш;
- давлат субсидияларидан даромадлар;
- холисона молиявий ёрдам;
- бошқа муомала даромадлари.
Асосий фаолиятдан олинган бошқа даромадлар қуйидаги ҳисобварақларда акс эттирилади:
9310-«Асосий воситаларнинг сотилиши ва бошқача чиқиб кетишидан олинган фойда»
9320-«Бошқа активларнинг сотилиши ва бошқача чиқиб кетишидан олинган фойда»
9330-«Ундирилган жарима, боқиманда ва бурдсизликлар»
9340-«Ўтган йил фойдаси»
9350-«Оператив лизингдан олинган даромад»
9360-«Кредиторлик ва депонентлик қарзларини ҳисобдан чиқаришдан олинган даромадлар»
9370-«Хизмат кўрсатувчи хўжаликларнинг даромадлари»
9380-«Қайтарилмайдиган молиявий ёрдам»
9390-«Бошқа операцион даромадлар».
Ушбу ҳисобварақлар транзит ҳисобланади. Юқоридаги ҳисобварақларнинг кредит обороти фойда (даромад)нинг кўпайишини, дебет обороти эса уларнинг ҳисобдан чиқарилишини кўрсатади.
9300-«Асосий фаолиятдан олинган бошқа даромадлар» ҳисобварағи бўйича ҳисобварақлар корреспонденцияси

№