Молиявий ҳисоб

Moliyaviy hisobotdagi betaraflik – moliyaviy hisobotda beriladigan axborot 
ishonchli bo‘lishi uchun taxminlardan xoli bo‘lishi lozim. 
 
Hisobot davrida daromadlar bilan xarajatlarning muvofiqligi – hisobot 
davrida bo‘lgan daromadlar bilan xarajatlarning muvofiqligining asosi mazkur 
davrda ushbu hisobot davridagi daromadlarni olishga asos bo‘lgan xarajatlargina 
aks ettiriladi. 
Jiddiylik – korxonaning moliyaviyaxborotlarini noto‘g‘ri taqdim etish yoki 
taqdim etmaslik axborotdan foydalanuvchilarning moliyaviy hisobot asosida qabul 
qilingan moliyaviy qarorlariga ta’siri jiddiy hisoblanadi. Axborotning ahamiyatiga 
uning mohiyati ham, shuningdek uning qimmati ham bevosita ta’sir etadi.
 
Haqqoniyligi – moliyaviy hisobotlar foydalanuvchida korxonaning 
moliyaviy ahvoli, operatsiyalar natijalari, pul mablag‘lari harakati to‘g‘risida 
haqqoniy va xolis tasavvur yaratishi lozim.
 
 
 
 
 
O‘z vaqtida taqdim etish – hisobot axborotining asossiz darajada 
kechiktirilishi bilan u o‘zining iqtisodiy ahamiyatini yo‘qotadi. Axborotni o‘z 
vaqtida taqdim etish uchun bitimning yoki boshqa voqeaning barcha jihatlari 
ma’lum bo‘lgunga qadar hisobotga zarurat paydo bo‘lishi mumkin, bu esa uning 
ishonchliligini buzadi. Agar hisobot barcha jihatlar ma’lum bo‘lgunicha 
kechiktirilsa, hatto eng ishonchli axborot ham foydalanuvchilarga katta foyda 
keltirmaydi, chunki ular ilgariroq qaror qabul qilishga majbur bo‘ladilar.
4
 
1.5. Молиявий ҳисоботининг халқаро стандартлари (МҲХС) ва уни 
жорий қилишдаги айрим муаммолар 
Молиявий ҳисоб молиявий ҳисобот деб номланадиган қатор 
ҳисоботларни тузиб топшириш билан якунланади. Молиявий ҳисоботнинг 
мақсади хўжалик субъектининг молиявий аҳволи, фаолияти, молиявий 
аҳволидаги ўзгаришлар тўғрисидаги ахборотни тақдим этишдан иборат. 
Бироқ молиявий ҳисобот иқтисодий қарорлар қабул қилиш учун 
фойдаланувчиларга зарур бўлган бутун ахборотни ўз ичига олмайди, чунки 
ҳисобот асосан аввалги воқеаларнинг натижаларини акс эттиради. 
4
Financial and managerial accounting, 12e, Carl S.Warren,James M.Reeve,Jonathan E.Duchac, 28-30 pages,2014 

---

28 
Ўзбекистон Республикасининг «Бухгалтерия ҳисоби тўғрисида»ги 
Қонунига мувофиқ (22-модда), йиллик молиявий ҳисобот қуйидаги 
шакллардан иборат бўлади: 
-бухгалтерия баланси; 
-молиявий натижалар тўғрисида ҳисобот; 
-пул оқимлари тўғрисида ҳисобот; 
-хусусий капитал тўғрисида ҳисобот; 
-изоҳлар, ҳисоб-китоблар ва тушунтиришлар. 
Молиявий ҳисоботларнинг изоҳлари тушунтириш хати кўринишида 
мунтазам равишда тақдим этилади. 
Изоҳлардаги маълумотлар тақдим этилган молиявий ҳисоботнинг ҳар 
бир тегишли банди кўрсатилган ҳолда берилиши керак. 
Молиявий ҳисоботлар маълум бир ҳисобот даври ёки маълум бир 
ҳисобот санаси бўйича тузилади. Бунда бухгалтерия баланси ва счётлардаги 
қолдиқлар бўйича маълумотлар маълум бир санага тузилади, молиявий 
ҳисобот шаклларининг қолганлари эса маълум бир давр учун тузилади. 
Молиявий ҳисоботнинг ҳисобот даври 1 январдан 31 декабргача бўлган 
календарь йили ҳисобланади (1-БҲМС, 60-б). 
Молиявий ҳисобот қонун ҳужжатларида кўрсатилган ҳолларда 
календарь йилидан фарқли равишда даврлар бўйича (ой, чорак учун) ҳам 
тақдим этилиши мумкин. 
Молиявий ҳисоботлар учун ҳисобот куни ҳисобот даврининг охирги 
календарь куни ҳисобланади. Субъектнинг йиллик бухгалтерия баланси учун 
ҳисобот куни 31 декабр ҳисобланади, молиявий натижалар тўғрисидаги 
йиллик ҳисобот учун ҳисобот даври 1 январдан 31 декабргача бўлган давр 
ҳисобланади. 
Хўжалик субъектининг йиллик молиявий ҳисоботи мулк шаклидан 
қатъий 
назар, 
тўлиқ нусхаларда 
фойдаланувчиларга 
ҳисобот 
йилидан кейинги йилнинг (1-БҲМС, 62-63 банд) 25 февралгача бўлган 
муддатда тақдим этилади. 
Даврий (чораклик) ҳисобот таркиби йиллик ҳисоботдан ҳисобот 
шакллари сонининг камайишига қараб фарқланади. 
Чораклик молиявий ҳисобот ҳисобот чорагидан кейинги ойнинг 25-
куни тугагач, тақдим этилади. 
Чунончи, 1 ярим йил учун молиявий ҳисобот шу йилнинг 25 июлидан 
кечиктирмай тақдим қилиниши керак.