Молиявий ҳисоб 1 Ўқув қўлланма

Баланс тузилишининг фойдалилиги
Баланс тузилишининг фойдалилиги шундан иборатки, баланс кўпчилик молиявий коэффициентларни (ликвидлик, молиявий мослашувчанлик, рентабеллик ва бошқ.) ҳисоблаш учун асос яратади. Шунингдек баланс ишлаб чиқариш корхонасининг ва унинг янги ишлаб чиқаришларнинг ўзлаштиришдаги сиёсатини, унинг активларини баҳолашга имкон яратади.
Аввал муҳокама қилингандай, балансда тан олинган барча қийматликлар жорий деб тан олинмайди. Пул маблағларининг қиймати жорий ҳисобланади, бироқ бино ва ускуналар (ёки, камида, уларнинг аксарият қисми) каби моддалар қиймати узоқ муддатли қиймат ҳисобланади. Активларга тўғри келадиган фойда коэффициентига ўхшаш коэффициентларнинг суратида пул маблағларининг жорий қиймати, махражида эса пул маблағларининг тарихий қийматидаги қўрсаткичларида ифодаланади. Бу вазиятларда компанияларни ўзаро солиштириш чалкашликларга олиб келиши мумкин.
Ундан ташқари баланс кўп сонли ҳисобланган суммаларни ўз ичига киритади (шубҳали дебиторлик қарзларни ҳисобдан чиқаришдан олинган зарарлар, жамғарилган эскириш). Айрим мажбуриятлар ҳам ҳисобланган бўлади: даромад солиғи, кафолат мажбуриятлари бўйича харажатлар, нафақа мажбуриятлари ва бошқ. Баланснинг баъзи моддаларининг қиймати аниқ бўлмаслиги мумкин. Бунга мисол тариқасида номоддий активларни ва солиқ тўловлари бўйича муддати узайтирилган мажбуриятларни келтириш мумкин.
4. Фойда ва зарарлар тўғрисидаги ҳисобот
Фойда ва зарарлар тўғрисидаги ҳисоботни кўпинча молиявий-хўжалик фаолият натижалари тўғрисидаги ҳисобот деб аталади. Молиявий натижалар тўғрисидаги ҳисобот берилган ҳисобот даврининг бошига ва охирига бўлган баланслар ўртасидаги боғловчи бўғин вазифасини бажаради. Ҳисобот молиявий хўжалик операциялари (даромадлар ва харажатлар) келтириб чиқарган молиявий-хўжалик фаолиятидаги ўзгаришларни тушунтириб беради. Қуйидаги жадвал буни тасвирлайди.