«Молия» илмий журнали Ўзбекистон Республикаси Олий аттестация комис

Хулоса ва таклифлар
Умуман олганда умумтаълим муассасаларида директор жамғармаси маблағлари 
давлат бюджетидан ажратилар экан, уларнинг мақсадли сарфланишини таъминлаш, 

---

67
3/2022
Бухгалтерия ҳисоби ва аудит
улар тўғрисида ахборотларни шакллантириш муҳим масалалардан бири саналади. 
Бунинг учун умумтаълим муассасаларида директор жамғармаси маблағлари 
ҳисобини қонунчилик асосида юритилишини таъминлаш зарурдир. 
Бизнинг фикримизча, умумтаълим муассасаларида директор жамғармаси 
маблағлари ҳисоби билан боғлиқ қуйидаги ишларни амалга ошириш мақсадга 
мувофиқ:
1) директор жамғармаси маблағлари харажатлар сметасида алоҳида харажат 
моддасида режалаштирилганлиги ва юритилганлиги учун бухгалтерия ҳисобида 
ҳам уларнинг ҳисобини алоҳида “178-Директор жамғармаси маблағлари ҳисобидан 
ходимлар билан ҳисоблашувлар” номли бухгалтерия счётини очиш ва ушбу счётда 
ҳисоб ишларини юритишни таъминлаш зарур. Чунки харажатлар сметаси ижросини 
амалга оширишда директор жамғармаси маблағлари бўйича харажат моддаси билан 
боғлиқ харажат моддаси кўрсаткичларини бухгалтерия счётлари кўрсаткичлари 
билан мослигини таъминлаш талаб этилади. Бу эса, мураккаб ҳисоб-китобларни 
осонлаштириб, ахборотларнинг ишончлилигини таъминлашга хизмат қилади;
2) директор жамғармаси маблағлари ҳисобини юритишда янгидан очиладиган 
бухгалтерия счёти таркибида ҳар ойлик устамалар, бир йўла рағбатлантириш ва 
моддий ёрдам билан боғлиқ кўрсаткичларни алоҳида ҳолатда шакллантириш 
учун ишчи счётларни ишлаб чиқиш мақсадга мувофиқ. Бу орқали, директор 
жамғармаси маблағларининг ушбу йўналишлар бўйича сарфланиши юзасидан 
алоҳида бухгалтерия маълумотларини шакллантириш имкониятини беради;
3) директор жамғармаси маблағлари ҳисобини алоҳида счётларда ҳисобга 
олиниши харажатлар сметаси ижроси тўғрисидаги ҳисобот шакли билан бухгалтерия 
счётлари, бош китоб, ташкилотнинг бухгалтерия баланси кўрсаткичлари
маълумотларининг ўзаро мувофиқлашишига хизмат қилади.