«Молия» илмий журнали Ўзбекистон Республикаси Олий аттестация комис

Таҳлил ва натижалар
Умумтаълим муассасалари фаолияти самарадорлигини таъминлаш учун 
уларнинг ходимларини рағбатлантириш тизимини йўлга қўйиш таълим ва 
тарбия жараёнини ривожлантиришга, ходимларнинг ўз вазифаларига ижодий 
ёндашувларини пайдо бўлишига хизмат қилади. Бу эса, ўз навбатида, мамлакат 

---

64
3/2022
Бухгалтерия ҳисоби ва аудит
ёш авлодини тарбиялаш, билим бериш, мустақил фикрлаш ва қарор қабул 
қилишни ўргатишга замин яратади. Шу мақсаддан келиб чиқиб 2019 йил 30 
сентябрда Ўзбекистон Республикаси Вазирлар Маҳкамасининг “Умумий ўрта 
таълим муассасаларининг ўрнак кўрсатган ходимларини моддий рағбатлантириш 
тартибини такомиллаштириш тўғрисида”ги 823-сон Қарори қабул қилинди.
Мазкур қарор асосида мактабларда ходимларни рағбатлантириш ва уларга 
моддий ёрдам бериш тизими бўйича “Умумий ўрта таълим муассасаларининг ўрнак 
кўрсатган ходимларини рағбатлантиришнинг директор жамғармасини ташкил этиш 
ва унинг маблағларидан фойдаланиш тартиби тўғрисида”ги низом ишлаб чиқилиб, 
амалиётга жорий этилди.
Айни дамда умумтаълим тизимида умумий ўрта таълим муассасалари сони 
10764 тани ташкил қилиб, уларда ярим миллион нафардан ортиқ ўқитувчи фаолият 
юритмоқда. Сўнгги тўрт ўқув йилини ўрганадиган бўлса, халқ таълим тизимидаги 
муассасалар сони, улар билан параллел тарзда ўқитувчилар сони, шунингдек, 
рағбатлантириш тизимининг самараси ўлароқ, эркак ўқитувчиларнинг сони ҳам 
ўсиб борган.
1-расм. Халқ таълими тизимида фаолият юритаётган умумий ўрта таълим 
муассасалари ва уларда фаолият юритаётган ўқитувчилар
1
Умумтаълим муассасаларида директор жамғармси ўқув-тарбия жараёнининг 
самарадорлиги ва сифатини оширишни рағбатлантириш, педагог, психолог 
ва кутубхона ходимларига ойлик устама белгилаш, умумтаълим муассасалари 
ходимларини мукофотлаш ва уларга моддий ёрдам бериш, педагог ходимларнинг 
касб маҳорати ва малакасини оширишини рағбатлантиришни кучайтириш мақсадида 
ташкил этилди[3]. 
Ҳар бир умумтаълим муассасасининг директор жамғармаси меҳнат ҳақ тўлаш 
фондининг 15 фоизидан ортиқ бўлмаган миқдорда бюджет маблағлари ҳисобидан 
харажатларнинг иқтисодий таснифи асосида алоҳида харажат моддаси таркибида 
шакллантирилади ва қуйидаги йўналишларда сарфланади:
1
https://www.uzedu.uz/ Ўзбекистон Республикаси Халқ таълими вазирлиги расмий веб сайти.

---

65