«Молия» илмий журнали Ўзбекистон Республикаси Олий аттестация комис

Калит сўзлар:
 
кичик бизнес, хусусий тадбиркорлик, кичик бизнес субъектлари, 
инновацион ривожланиш, ҳудудларда инновацион муҳит, ҳудудлар рейтинги.
Ключевые
 
слова.
 малый бизнес, частное предпринимательство, субъекты 
малого бизнеса, инновационное развитие, инновационный климат в регионах, 
рейтинг регионов.
Key words: 
small business, private entrepreneurship, subjects of small business, 
innovative development, innovative climate in the regions, rating of the regions.
_____________________________________________________________________
КИРИШ
Мамлакатимиз ҳудудларида кичик бизнес ва хусусий тадбиркорликни 
инновацион ривожланиши ва мазкур секторни давлат томонидан тартибга солиниши 

---

120
3/2022
Статистика иши
янада фаоллашиб бормоқда. Мамлакат ҳудудларидаги ишбилармонлик муҳитининг 
тобора кенгайиши кичик бизнес субъектларини инновацион ривожланиш орқали 
фаолиятини таъминлашга олиб келмоқда. Натижада ялпи ҳудудий маҳсулотнинг 
(ЯҲМ) ошишида барча тармоқлардаги кичик бизнес субъектларининг ҳиссаси
ортиб бормоқда.
Ўзбекистон Республикасида кейинги йилларда иқтисодиётнинг барқарор 
иқтисодий ўсишини таъминлаш ва модернизациялаш ҳамда ҳозирги падемия 
шароитида кичик бизнес ва хусусий тадбиркорлик (КБХТ) субъектларига солиқ 
юкини камайтириш, кичик бизнес ва хусусий тадбиркорлик манфаатларини 
ишончли ҳимоя қилиш ва уларга қулай ишбилармонлик муҳитини яратиш долзарб 
масалалардан бири ҳисобланади. Мамлакатимиз Президенти Ш.М.Мирзиёев 
таъкидлаганидек: “Тадбиркорларга янада қулайлик яратиш мақсадида 105 та 
лицензия ва рухсатнома турлари бекор қилинади, 115 таси бўйича эса тартиб-
қоидалар соддалаштирилади. Пандемия шароитида айланма маблағ танқислигига 
дуч келган тадбиркорларимиз “оёққа туриб олишлари” учун уларга кўмак беришни 
давом эттирамиз” [1].
Шундай экан, ҳозирги ривожланаётган даврда ва чуқур ислоҳотлар фонида 
республикамиз ҳудудларининг ижтимоий-иқтисодий ривожланишини атрофлича 
таҳлил қилиш муҳим ва оқилона иқтисодий қарорлар қабул қилишда ҳар қачонгидан 
ҳам долзарблик касб этмоқда. 
Бу борада, республикамиз ҳудудларини барқарор ва жадал ривожлантириш 
учун уларнинг комплекс ва мутаносиб ижтимоий-иқтисодий ривожланишини, 
табиий хом ашё ресурсларидан фойдаланиш самарадорлигини, иқтисодий 
ва инвестициявий салоҳиятини, шунингдек, ҳудудларнинг бошқа қиёсий 
устунликларини баҳолашнинг ягона тизимини жорий этиш мақсадида, Ўзбекистон 
Республикаси Президентининг 2020 йил 1 майда ПҚ-4702-сон “Ҳудудларни 
ижтимоий-иқтисодий ривожлантиришни рейтинг баҳолаш тизимини жорий этиш 
тўғрисида”ги Қарори[2]га мувофиқ статистик кўрсаткичлар ва сўровномалар 
натижалари асосида ҳудудларнинг ижтимоий-иқтисодий ривожланишини рейтинг 
баҳолаш тизими жорий этилди. Бу эса, ўз навбатида, республика ҳудудларининг 
ижтимоий-иқтисодий ривожланиш кўрсаткичларини таҳлил қилиш борасидаги 
муаммоларнинг амалий ечими бўлиб хизмат қилмоқда.