«Молия» илмий журнали Ўзбекистон Республикаси Олий аттестация комис

Тадқиқот методологияси 
Аҳоли демографик жараёнлари услубиятининг асосий усулларидан бири – 
статистик кузатиш бўлиб, у ўрганаётган ҳодиса-воқеалар кўринишида маълумотлар 
тўплайди. Бу усул ҳам жорий ҳисобда, шунингдек, аҳолини рўйхатга олишда, 
монографик ва танлама ўрганишда ҳам асос ҳисобланади. 
Тадқиқот жараёнида, аҳоли сони ва уни ўзгариш тенденцияларини аниқлашда 
динамика қаторларини таҳлил қилиш кўрсаткичлари усулларидан фойдаланилди. 
Шунингдек, аҳоли таркибий кўрсаткичларини таҳлил қилишда нисбий ва ўртача 
миқдорлар усулларидан ҳамда аҳолининг ёш-жинс таркибини баҳолашда график 
усуллардан кенг фойдаланилди.
Таҳлил ва натижалар
Ҳозирда Ўзбекистон Республикасида аҳоли турмуш даражасини тубдан 
яхшилаш мақсадида қатор вазифалар қўйилган бўлиб, бу ҳақда Президентимиз 
маъруза ва чиқишларида бир неча бор таъкидлаб ўтганлар. Тадқиқотлар шуни 
кўрсатмоқдаки, бугунги кунда Ўзбекистонда барча соҳаларда ижобий ўзгаришлар 
рўй бермоқда. Маълумки, Ўзбекистон Республикаси ўсиб борувчи давлатлар 
қаторига киради. Шу ўринда, Президентимиз нутқларида айтган сўзларига эътибор 
қаратишни лозим деб топдик. Жумладан, Президентимиз Шавкат Мирзиёев 
Тадбиркорлар ва ишбилармонлар ҳаракати – Ўзбекистон Либерал-демократик 
партиясининг съездидаги нутқларида демографик ўсишнинг аҳамиятига 
ҳам тўхталиб: «Бугунги кунда мамлакатимиз аҳолиси 35 миллионга етди, 2026 
йилга бориб эса 38 миллиондан ошиши кутилмоқда, – деди Ш. Мирзиёев. – Бу – 
юртимиз жаҳонда аҳоли сони бўйича 37-ўринга чиқиб, Польша, Канада, Саудия 
Арабистони каби давлатлар аҳолисидан ҳам ошади дегани. Аҳолимизнинг қарийб 
55 фоизини ёшлар ташкил этади ва ҳар йили меҳнат бозорига камида 600 минг 
ёшлар кириб келмоқда. Бундай демографик ўсиш биз учун ҳам имконият, ҳам жуда 
катта масъулият дегани» [7].

---

112