“moliya” fanidan O’quv-uslubiy majmua

Kafedra mudiri

prof. T.S.Malikov

O’zbekiston Respublikasi Oliy va o’rta mahsus ta’lim vazirligi Toshkent moliya instituti
“Davlatiy moliya” kafedrasi “Moliya” fanidan 2-oraliq nazorat

4. 
   variant
   

1. 
   Korxonalarda moliyaviy rejalashtirish davri.
   
2. 
   Murakkab foizlar va ularni hisoblash.
   
3. 
   To’rt yil davomida har yili Sizga 1500 dollar kelib tushishini ta’minlaydigan va shu muddat oxiriga kelib mablag’i umuman tugaydigan jamg’arma tashkil etishingiz lozim. Agar foiz stavkasi yiliga 13% bo’ladigan bo’lsa, bugun bankka necha pul qo’yishingiz kerak?
   

Kafedra mudiri

prof. T.S.Malikov

2. MUSTAQIL TA’LIM UCHUN MATERIALLAR VA MUSTAQIL TA’LIMNI TAYYORLASH TARTIBI

Mundarıja:

Kirish

6.1. “Moliya” fanini o‘rganishda mustaqil ta’limning ahamiyati

6.2. Mustaqil ta’limni tashkil etishning mazmuni va shakllari

6.3. Mustaqil ta’limni baholash tartibi

6.4. Tavsiya etiladigan adabiyotlar

6.5. Mustaqil ta’lim mavzulari

6.6. Talabalarga mustaqil ta’lim topshiriqlari jamlanmasi”ni taqdim etish namunasi

6.7. Ilovalar (mustaqil ta’lim shakllarining namunalari)

1-ilova. Ilmiy loyiha

2-ilova. Taqdimot

3-ilova. Test

4-ilova. Glossariy

5-ilova. Krassvord

Kirish

Iqtisodiy islohotlarning hozirgi sharoitida zamonaviy “Moliya” fanini yanada mukammalroq va chuqurroq o’rgatishdan maqsad kelajakda milliy iqtisodiyotning barcha tarmoqlari uchun davr talabiga mos keladigan yuqori malakali iqtisodchi-moliyachi mutaxassislarni tayyorlashdir. Mazkur fanni o’zlashtirishda talabalar moliyaning umumnazariy masalalari, xo’jalik yurituvchi sub’ektlar va davlat moliyasi, uy xo’jaliklar moliyasi bo’yicha tassavur va ko’nikmalar hosil qilishlari lozim.

6.1. “Moliya” fanini o’rganishda mustaqil ta’limning ahamiyati

“Moliya” yo’nalishi bilan bir qatorda , “Baholash ishi”, “Sug’urta ishi”, “Bank ishi”, “Soliqlar va soliqqa tortish”, “Buxgalteriya hisobi va audit”, “Menejment”, “Pensiya ishi”, “Davlat byudjeti g’azna ijrosi” va boshqa yo’nalishlar talabalari uchun ham o’quv rejasida “Moliya” fani bo’yicha mustaqil ta’limni bajarishga alohida o’rin berilgan.
Mustaqil ta`lim mavzulari va topshiriqlari ma`ruzachi pedagog xodim tomonidan o`quv semestrining birinchi mashg`ulotida talabalarga taqdim etiladi.Ular tomonidan ixtiyoriy ravishda tanlanadi. Shuningdek, mustaqil ta’lim soatlarida talabalar ma’ruza darsida “ochiq qolgan” savollarga mustaqil ravishda
tayyorlanishlari lozim bo’ladi. Bunda talabalarda mustaqil fikrlash va mustaqil o’zlashtirishga ko’nikma hosil qilish imkoniyati yuzaga keladi.
Mustaqil ta’limni joriy etishning yana bir afzalligi shundan iboratki, bu jarayon keyinchalik talabalarni ilmiy tadqiqot ishlarini olib borishlariga zamin yaratadi.

5.2. Mustaqil ta’limni tashkil etishning mazmuni va shakllari

Talabalarning mustaqil ta’lim uchun tanlagan mavzulari kelgusida bajariladigan kurs ishlari va bitiruv malakaviy ishlari mavzulari bilan uzviylikda bajarilishi maqsadga muvofiqdir. Mustaqil ta’limni tashkil etish jarayonida talabalarga mavzu doirasida darsliklar, o‘quv qo‘llanmalar, risola, ilmiy maqola va jurnallardan foydalanish tavsiya etiladi. Shuningdek, talabalar mavzuni yoritishda me’yoriy huquqiy hujjatlarni o‘rganishga alohida ahamiyat qaratishi lozim. Bunda O‘zbekiston Respublikasi Qonunlari, Prezident Farmonlari va Qarorlari, Vazirlar Mahkamasi Qarorlarining asosiy mazmunini diqqat bilan o‘rganish tavsiya etiladi. Qonun hujjatlarini o‘rganishda axborot tizimlaridan foydalanish mumkin. Internet saytlari ma’lumotlaridan samarali foydalanish, O‘zbekiston Respublikasida amalga oshirilayotgan ishlar, O‘zbekiston Respublikasi Moliya vazirligi va ularning rasmiy saytlaridan yangi ma’lumotlarni olib foydalanish lozim.