Молия бозори ва биржа иши ўқув қўлланма

Америка фонд биржасининг бозор қийматли индекси (АМЕХ 
Маrket Value Index) 
Бу индекс Америка фонд биржасида ўз акцияларини котировка 
қиладиган 100 дан ортиқ компанияларнинг фаолиятини ўрганади (ўлчайди) 
ва тавсифлайди. 
NASDAQ миллий савдо тизими йиғма индекси 
(The NASDAQ National Market System Composity) Ушбу индекс 
биржадан ташқари бозорда савдо қилувчи компанияларнинг акциялари 
бўйича ҳисоблаб чиқарилади. NASDAQ индекси Миллий биржа дилерлар 
уюшмасини автоматик котировкалаш тизими учун ўрнатилган. У 3500 та 
компания акцияларининг қийматига асосланиб, ҳисоблаб чиқарилади. Бу 
индекс унинг ўз таркибий қисмлари бозор қиймати бўйича чамалаб 
ҳисобланган кўрсаткичдир. У дастлаб 1971 йил февралда ҳисоблаб 
чиқарилган бўлиб, ўша даврда 100 га тенг бўлган. 1984 йилдан NASDAQ 
саноат, транспорт, молия, суғурта компаниялари, банклар ва ҳ.к. ларнинг 
акциялари бўйича тармоқ индексларини чоп этади. 
"Уилшир – 5000" индекси (Wilshire 5000) 
Мазкур индекс "Уилшир ассошиейтс" компанияси томонидан ҳисоблаб 
чиқарилиб, Америка қимматли қоғозлар бозори тизимида чоп этиладиган энг 
таниқли (нуфузли) индексдир. У ўз таркибидаги қисмларга кирувчи барча 
акциялар бозор қиймати бўйича чамалаб ҳисоблаб чиқарилган бўлиб, Нью–
Йорк, Америка фонд биржаларида котировка қилинадиган, шунингдек, 
биржадан ташқари оборотда бўлган жами 5000 га яқин барча 
компанияларнинг акциялари қийматини акс этгаради. Уилшир–5000 индекси 

---

161 
1980 йил 31 декабрдан бошлаб миллиард долларда ҳисобланади. Бу индекс 
бўйича опционлар ва фьючерслар билан операциялар амалга оширилмайди. 
“Тошкент" Республика фонд биржасининг йиғма фонд индекси
Tashkent Aggregate Stock Exchange – Index (“TASIX” – “Tacикс”) 
2000 йилнинг бошида "Тошкент" Республика фонд биржаси (РФБ), 
"Тошкент" РФБ йиғма фонд индекси тўғрисидаги низомни ишлаб чиқиб, 
тасдиқлади 
ҳамда 
уни 
қимматли қоғозлар бозори фаолиятини 
мувофиқлаштириш ва назорат этиш маркази билан келишди. Бу индекс 
листинг, листингдан олдинги, листингдан ташқари секция (бўлим)лар, 
шунингдек, хусусийлаштирилган корхоналар акцияларини бирламчи 
жойлаштириш секциясида корпоратив қимматли қоғозлар билан тузилган 
битимлар нархлари асосида аниқланиб, фонд бозорининг ҳолатини 
белгилайдиган интеграл индекс ҳисобланади. "Тасикс"ни ҳисоблаб чиқариш 
савдо сессияси (савдо куни) якуни бўйича амалга оширилади, у таҳлил 
қилиш мақсадида хафта, ой, чорак ва йил учун ҳам ҳисобланиши мумкин. 
Уни аниқлаш учун индекс ҳисобланаётган йилда биржа савдо тизимида қайд 
этилган савдо сессияси бўйича расмий ҳисоботга кирадиган акциялар билан 
жорий савдо куни тузилган битимларнинг ўртача чамаланган нархларидан 
фойдаланилади. "Тасикс" қуйидаги формула билан ҳисоблаб чиқарилади: