Молия бозори ва биржа иши ўқув қўлланма

1. Эмитент–банк томонидан қимматли қоғозлар чиқариш 
тўғрисида қарор қабул қилиш.
Қимматли қоғозлар чиқариш тўғрисидаги 
қарор тегишли ваколатга эга бўлган банк бошқарув органи томонидан қабул 
қилинади. Одатда, бу акциядорларнинг умумий мажлисидир. Бунда банк 
ўзининг сўнгги уч молия йили давомида зарар кўрмай ишлаган бўлиши, 
охирги уч йил мобайнида амалдаги қонунчиликни бузганлик учун давлат 
органлари томонидан жазо олмаган бўлиши, кредиторларга муддатидан 
ўтган қарзлари ва бюджетга тўловлар бўйича қарзи бўлмаслиги керак. 
Банкнинг ушбу талабларга жавоб беришини тасдиқлайдиган маълумотлар 
қимматли қоғозлар эмиссияси рисоласида кўрсатилган бўлиши керак. 
2. Қимматли қоғозлар эмиссияси рисоласини тайёрлаш.
Қимматли 
қоғозлар эмиссияси рисоласи банк бошқаруви томонидан тайёрланиб, унинг 
раиси ва бош бухгалтери томонидан имзоланади.Эмиссия рисоласида банк, 
унинг молиявий аҳволи ҳамда бўлғуси қимматли қоғозларни чиқариш 
тўғрисидаги маълумотлар (қимматли қоғозлар тўғрисида умумий 
маълумотлар, уларни тарқатиш шартлари ва тартиби, қимматли қоғозларни 
чиқариш ҳисоб–китоб шартларига оид маълумотлар, қимматли қоғозлар 
бўйича дивидендлар ёки фоизларни олишга тегишли маълумотлар) акс 
эттирилади. 
3. Қимматли қоғозлар ва эмиссия рисоласини чиқаришни рўйхатдан 
ўтказиш.
Ушбу операцияни эмитент–банк қонунчиликда белгиланган 
тартибда ваколатли давлат органида амалга оширади. 
4. Эмиссия рисоласини нашр этиш ва қимматли коғозлар чиқариш 
тўғрисидаги хабарни оммавий ахборот восшпаларида чоп этиш.
Бунинг 

---

102 
учун эмитент–банк, одатда, рисолани алоҳида брошюра шаклида, кўпчилик 
ҳаридорларни хабардор қилиш учун етарлича миқдорда нашр эттиради. 
5. Қимматли қоғозларни сотиш.
Эмитент–банк қимматли қоғозларни 
чиқаришни рўйхатдан ўтказиб, эмиссия рисоласи ва қимматли қоғозларни 
чиқариш тўғрисидаги хабарни тарқатганидан кейингина уларни сотишни 
бошлаши мумкин. Эмиссия рисоласи рўйхатдан ўтказилмагунига қадар ўз 
қимматли қоғозларини реклама қилиш ман этилади. Акцияларни 
жойлаштириш ҳаридор билан тузилган муайян миқдордаги акцияларни 
олди–сотди шартномасига асосан сўмларга сотиш йўли билан амалга 
оширилиши мумкин. Бунда банк воситачилар – брокерлик фирмалари билан 
махсус воситачилик ва топшириқ шартномалари тузиб, уларнинг хизматидан 
фойдаланиши мумкин. Сотилган акцияларнинг сони чиқарилиши 
мўлжалланган ва рўйхатга олиш хужжатларида кўрсатилган акциялар 
сонидан ошмаслиги шарт.