Молия бозори асослари reja

Ўзбекистон Республикаси Президентининг “Капитал бозорини янада ривожлантириш чора-тадбирлари тўғрисида”ги Фармони (ПФ–6207-сон, 13.04.2021 й.) қабул қилинди.

Мазкур фармон билан Республикамизда капитал бозорини ривожлантиришнинг асосий йўналишлари белгиланди.

Жумладан:

•  ➖ капитал бозорининг рақобатбардошлигини ошириш ва унинг капиталлашувини 2023 йил якунига қадар 45 трлн. сўмга етказиш (ҳозирда 2 трлн.сум), банк томонидан кредитлашга муқобил бўлган самарали молиялаштириш механизмини яратиш;
• ➖ капитал бозорини тартибга солишнинг яхлитлигини ва тизимли таваккалчиликларнинг олдини олишни таъминловчи қонунчилик базасини яратиш («Капитал бозори» тўғрисидаги қонун лойиҳаси);
• ➖ миноритар инвесторлар, капитал бозорининг бошқа иштирокчилари ҳамда аҳоли кенг қатламларининг билимлари, кўникмалари ва молиявий саводхонлигини оширишни қўллаб-қувватлаш дастурлари доирасида 2023 йил якунига қадар 40 минг нафар аҳолини қамраб олиш.

Фармонга кўра, 2021–2023 йилларда капитал бозорини ривожлантириш дастури ҳамда уни амалга ошириш натижасида эришиладиган мақсадли кўрсаткичлар тасдиқланди.

•  Эркин муомаладаги қимматли қоғозларнинг умумий ҳажмини ялпи ички маҳсулотнинг камида 5 фоизига етказиш Дастурнинг асосий мақсади ҳисобланади (Ҳозирда бу кўрсаткич 0,3 фоизни ташкил этади).
• 2023 йил 1 январдан маҳаллий эмитентлар ўз акцияларини дастлаб республика фонд биржасида жойлаштиргандан сўнг андеррайтер тавсиясига кўра хорижий фонд бозорларида жойлаштириши мумкин.

Ўзбекистон Республикаси Президентининг Қарори 2022 йил 17 январь, ПҚ-90-сон Капитал бозорини қўллаб-қувватлашнинг самарали механизмларини жорий этишга доир қўшимча чора-тадбирлар тўғрисида

• Капитал бозорини янада ривожлантириш, давлат акция пакетларини капитал бозори орқали хусусийлаштириш амалиётини кенгайтириш, аҳолининг қимматли қоғозларга инвестиция киритишини рағбатлантириш ва молия бозорида соғлом рақобат муҳитини яратиш мақсадида:
• 1. Белгилансинки, 2022 йил 1 апрелдан 2024 йил 31 декабрга қадар:
• Ўзбекистон Республикасининг резиденти ва норезиденти бўлган жисмоний шахсларнинг акциялар бўйича ҳисобланган дивидендлар тарзидаги даромадлари даромад солиғидан озод қилинади;
• Ўзбекистон Республикасининг норезиденти бўлган юридик шахсларнинг акциялар бўйича ҳисобланган дивидендлар тарзидаги даромадларига Ўзбекистон Республикасининг резиденти бўлган юридик шахслар сингари фойда солиғининг 5 фоиз ставкаси татбиқ этилади;
• Ўзбекистон Республикасининг резиденти ва норезиденти бўлган жисмоний ва юридик шахсларнинг хўжалик жамиятлари облигациялари бўйича ҳисобланган фоизлар тарзидаги даромадлари жисмоний шахслардан олинадиган даромад солиғи ва юридик шахслардан олинадиган фойда солиғидан озод қилинади.

Молия бозори-бу
Молиявий инструментлардан фойдананиш асосида молиявий воситачилар орқали вақтинча бўш пул маблағларини қайта тақсимлаш жараёни юз берадиган бозордир.