Молекулаларнинг энергетик поғоналари ва улар ўртасидаги ўтишлар Реакциялар энергетикаси

Молекулаларнинг энергетик поғоналари ва улар ўртасидаги ўтишлар

Реакциялар энергетикаси

• Реакция энергетикаси кимёнинг энг муҳим тушунчаларидан биридир. Барча кимёвий жараёнларнинг кечиши система энергиясининг ўзгариши билан боғлиқ. Бундан ташқари, кимёвий бирикмаларнинг барқарорлигини ўрганиш ҳам энергетика билан бевосита алоқадор. У ёки бу бирикманинг барқарорлигини баҳолашнинг икки хил методи мавжуд бўлиб, биринчи методнинг моҳияти иккита элементдан ҳосил бўлиши мумкин бўлган бирикмалардаги атомлар, ядро ва электронлар ўртасидаги барча таъсирлашувларни миқдорий жиҳатдан ҳисоблашдан иборат. Бу усулда ҳатто оддий системалар учун, ҳам мураккаб математик аппаратлар талаб қилинади. Икинчи метод термодинамикага асосланади. Термодинамика- физика ва кимёвий жараёнларда турли хил реакцияларнинг ўзаро бир бирига ўтиш қонуниятларини, шунингдек, улардаги энергетик эффект жараёнларининг кечиши шароитлари билан боғлиқлиги ўрганувчи фандир.

Термохимия

• Термохимия- термодинамиканинг бир бўлими бўлиб, у кимёвий реакцияларнинг иссиқлик эффектини ҳамда унинг турли омиллар билан боғлиқлигини ўрганади. Эриш, кристалланиш, аллотропик ўзгаришларда содир бўладиган исисқлик ҳодисаларини ҳам термодинамиканинг вазифасига киради. Термохимиявий тадқиқотларни уч группага ажратиш мумкин: Кимёвий реакцияларда иссиқлик ва бошқа хил энергиялар ўртасидаги муносабатларни ўрганиш; муайян шароитларда реациянинг ўз-ўзидан кечиш имкониятларини ҳамда кимёвий реакция мувозанат ҳолатда бўладиган шароитларни ўрганиш.

Термодинамик параметрлар.

• Ташқи муҳитдан ажратилган ҳолда кўриладиган модда ёки моддалар аралашмаси термодинамик система дейилади. Система ҳолатини ҳарактерлайдиган катталиклар термодинамик параметрлар дейилади. Босим, ҳажм ва температуралар термодинамиканинг параметрларидир. Термодинамик катталиклар одатда экстенсив ва интенсив катталикларга ажратилади. Системани ташкил этувчи таркибий қисмлар қийматларининг йиғиндиси системанинг умумий қийматига тенг деб қараш мумкин бўлган катталиклар экстенсив факторлар дейилади. Масса, ҳажм ва энергия экстенсив фактордир. Юқори қайт этилган хоссага эга бўлган катталиклар интенсив катталиклар дейилади. Концентрация, температура, зичлик ва солиштирма иссиқлик сиғими интенсив катталикдир
• Масалан, поезнинг массаси алоҳида вагонлар билан паравоз массаларининг йиғиндисига тенг(экстенсив фактор). Ҳаракат тезлигига эга паравоз ва барча вагонлар учун бир хил(интенсив фактор).