Moddiy yordam va ko„makka muhtoj oilalarni, xotin-qizlar va yoshlarni ijtimoiy qo„llab-quvvatlash bo„yicha qo„shimcha chora- tadbirlar to„G„risida

7-§ “Yoshlar daftari”ga kiritilgan yoshlarga, jumladan, yosh oilalarga turar joy ijarasi 
kompensatsiyasini to„lash tartibi 
39. “Yoshlar daftari”ga kiritilgan yosh oilalarning sektorlar rahbarlariga va Yoshlar ishlari 
agentligining tuman (shahar) bo„limlariga bergan arizasiga muvofiq, ularga 12 oygacha turar joy 
uchun ijara kompensatsiyasi har oyda BHMning 3 baravaridan oshmagan miqdorda to„lab berilishi 
mumkin.
40. Arizaga ijara shartnomasi nusxasi ilova qilinadi. Ariza besh ish kunidan 
kechiktirmasdan ko„rib chiqiladi va o„rganish natijalari bo„yicha tayyorlangan xulosa bilan Vasiylik 
kengashiga taqdim etiladi. 
41. Murojaat ushbu paragraf talablariga muvofiq bo„lsa, Vasiylik kengashining yosh oilaga 
ijara haqini to„lab berish uchun subsidiya ajratish to„g„risida qaror qabul qiladi va unga muvofiq 
ijaraga beruvchiga kompensatsiya to„lab beriladi. 
Ijara haqini to„lab berish uchun subsidiya ajratishda: 
“Yoshlar daftari”ga kiritilgan yoshlar va ular bilan birga turadigan oila a‟zolariga, har bir 
oila a‟zosiga to„g„ri keladigan umumiy maydoni eng ko„pi bilan o„n olti kvadrat metrdan (kreslo-
aravachada harakatlanadigan nogironlar uchun esa yigirma uch kvadrat metrdan) kam bo„lmagan 
hajmda, biroq bir oila uchun jami 48 kvadrat metr oshmagan holda nazarda tutiladi; 
turar joydan foydalanganlik uchun ijara haqi turar joyning umumiy maydonidan kelib 
chiqib, uning 1 kvadrat metr uchun bir oyga Toshkent shahrida BHMning 6 foizigacha, Nukus 
shahri va viloyatlar markazlarida 4 foizigacha hamda boshqa hududlarda 2 foizigacha miqdorda 
belgilanadi. Bunda turar joyning 1 kvadrat metr uchun to„lanadigan bazaviy hisoblash miqdorining 
aniq foizi har bir fuqaro uchun xalq deputatlari tuman (shahar) Kengashi qarori bilan tasdiqlanadi. 
42. Sektor shtabi kotibi tomonidan ijaraga olingan xonadonda ijaraga oluvchi haqiqatda 
yashayotganligi har oyda bir marotaba o„rganiladi. O„rganish jarayonida ijaraga oluvchi ijaraga 
olingan xonadonda doimiy yashamayotganligi aniqlangan taqdirda bu haqda to„plangan asoslovchi 
hujjatlarga muvofiq ijara to„lovi uchun kompensatsiya to„lash to„xtatiladi.