MmO‘zbekiston respublikasi

Ishonchnomaning tarkibiy qismlari:

1. 
   Hujjat nomi (Ishonchnoma).
   
2. 
   Ishonchnoma beruvchining familiyasi, ismi, sharifi; lavozimi yoki manzili.
   
3. 
   Ishonchli shaxsning familiyasi, ismi, sharifi, lavozimi yoki manzili (katta miqdorda pul yoki alohida qimmatli buyumlar olishda passport ma’lumotlari ham ko‘rsatiladi).
   
4. 
   Ishonch bildirilayotgan harakat ifodasi(kimdan nima olinayotgqani aniq yoziladi).
   
5. 
   Qaysi hujjatga muvofiq olishga ishonch bildirilayapti.
   
6. 
   Ishonchnoma qancha muddatga berildi.
   
7. 
   Ishonch bildiruvchining imzosi va sana (agar sana ko‘rsatilmasa, ishonchnoma haqiqiy hisoblanmaydi).
   
8. 
   Ishonch bildiruvchining imzosini tasdiqlagan rasmiy shaxsning lavozimi va imzosi.
   
9. 
   Ishonch bildiruvchining imzosi tasdiqlangan sana va muassasa yoki tashkilotning yumaloq muhri.
   

Izoh: ba’zi ishonchnomada uning amal qilish muddati (3yilgacha) ko‘rsatiladi. Agar muddat ko‘rsatilmagan bo‘lsa, ishonchnoma bir yilga qadar amalda bo‘ladi. Tasdiqlanmagan ishonchnoma huquqiy kuchga ega bo‘lmaydi.


Ishonchnoma matni namunalari
ISHONCHNOMA

Men, Barotov Aziz Umarovich, O‘zbek tili va adabiyoti fakultetining II kurs talabasi Sa’dulla Qurbonovga (pasport CE № 1685303, Samarqand shahar ichki ishlar bo‘limi tomonidan 2010-yil 15-aprelda berilgan) 15-pochta bo‘limidan mening manzilimga yozilgan 143-raqamli bildirish xati orqali 30 000 (o‘ttiz ming) so‘m pulni olishga ishonch bildiraman.

2020. 20. 09. A. Barotov
A. Barotov imzosini tasdiqlayman:
O‘zbek tili va adabiyoti fakulteti dekani (imzo) A.Allaberdiyev
(muhr)
sana

E’tibor bering:

Ishonch bildiradi (kim?) – Men, Olimov Abdulla, …
Ishonch bildiradi (kimga?) – Qurbonov Sa’dullaga …
Ishonch bildiradi (nimani?) – pulni, buyurtma xatni, baholi banderolni, pul olish haqidagi xabarni …
(qayerdan?) – 29-pochta bo‘limidan, kassadan, …


TILXAT
Tilxat – korxona, muassasa yoki ayrim shaxsdan ma’lum bir hujjat, pul yoki qimmatli buyumlar olinganligini tasdiqlovchi hujjat. Tilxat qarzni qaytarish muddati ko‘rsatilgan majburiyatni ham o‘z ichiga olishi mumkin.