Mirziyoyev O‘zbekiston taraqqiyotining 7 yo‘nalishini belgiladi

O‘zbekiston va Rossiya o‘rtasida yadroviy xavfsizlik sohasida bitim tasdiqlanadi

O‘zbekiston bilan Rossiya o‘rtasida yadroviy avariya haqida tezkor xabar berish hamda yadroviy va radiatsiyaviy xavfsizlik sohasida axborot almashish to‘g‘risidagi bitim bo‘yicha prezidentning “Xalqaro shartnomani tasdiqlash to‘g‘risida”gi qarori loyihasi e’lon qilindi.

Qaror loyihasi O‘zbekiston va Rossiya o‘rtasidagi yadroviy avariya haqida tezkor xabar berish hamda yadroviy va radiatsiyaviy xavfsizlik sohasida axborot almashish to‘g‘risidagi bitim bo‘yicha uning kuchga kirishi uchun zarur bo‘lgan davlat ichki tartib-taomillarini amalga oshirish maqsadida Sanoat xavfsizligi davlat qo‘mitasi tomonidan ishlab chiqilgan.
Bitim O‘zbekiston prezidentining 2021 yil 19 noyabr kuni Rossiyaga tashrifi doirasida O‘zbekiston bosh vaziri o‘rinbosari – investitsiyalar va tashqi savdo vaziri S.Umrzoqov tomonidan imzolangan.
Bitim muqaddima va 9 ta moddadan iborat bo‘lib, radiatsiya va yadroviy xavfsizlikni ta’minlash sohasida hamkorlikni rivojlantirishni nazarda tutadi hamda yadroviy avariyalar sodir bo‘lganda transchegaraviy oqibatlarni minimallashtirish maqsadida ikki tomonlama tezkor ma’lumot almashinuvini tartibga soladi.
Bitim: 

• 
  avariya holatlarida harakat qilish va radiatsiyaviy xavfsizlik sohasidagi ma’lumotlarni tezkor va ishonchli tarzda olishga;
  
• 
  avariyaning rivojlanishiga qarab, radiatsiyaviy vaziyatning o‘zgarishlarini prognoz qilishga;
  
• 
  aholining salomatligiga va tabiiy muhitga radiatsiyaviy avariya oqibatlarining ta’sirini tezkor ravishda baholashga;
  
• 
  radiatsiyaviy vaziyat o‘zgarishlarining tahlili va prognozi natijalarini tomonlar bir-biriga tezkor taqdim etishiga xizmat qiladi.
  

Shavkat Mirziyoyev Qozog‘iston bosh vazirini qabul qildi
11 fevral kuni O‘zbekiston prezidenti Shavkat Mirziyoyev amaliy tashrif bilan mamlakatimizda bo‘lib turgan Qozog‘iston bosh vaziri Alixon Smailovni qabul qildi.
Tomonlar O‘zbekiston va Qozog‘iston o‘rtasidagi ko‘p qirrali hamkorlik munosabatlarini yanada rivojlantirish va kengaytirish masalalarini muhokama qilishgan.
Uchrashuv avvalida Alixan Smailov O‘zbekiston rahbariga Qozog‘iston prezidenti Qosim-Jo‘mart To‘qayevning salomi va eng ezgu tilaklarini yetkazdi.
«O‘tgan yil dekabr oyidagi sammitda O‘zbekiston va Qozog‘iston yetakchilari erishgan kelishuvlarning amalga oshirilishini ta’minlash borasida ikki mamlakat hukumatlari tomonidan qabul qilinayotgan choralar ko‘rib chiqildi.
Tovar ayirboshlash hajmini orttirish va uning ko‘rsatkichlari muvozanatli bo‘lishiga erishish uchun qulay shart-sharoitlar yaratish, yangi sanoat kooperatsiyasi va logistika markazlari tashkil etishni jadallashtirish, suv, energetika va transport-kommunikatsiya sohalarida o‘zaro manfaatli hamkorlikni kengaytirish, hududlararo muloqotlar va madaniy-gumanitar almashinuvni faollashtirish masalalariga alohida e’tibor qaratildi», deyiladi prezident matbuot xizmati xabarida.