Mirsaid Aripov, Nurillo Otaxanov

8.4. Protsedura

Protsedura — bu qism-dastur ko`rinishlaridan biri bo`lib, ikki holdan birida rasmiylashtiriladi:

• 
  qism dastur asosiy dasturga ma`lumotlarni qaytarishi shart bo`lmagan hollarda (masalan, grafik chizish talab qilinganda);
  
• 
  qism dastur asosiy dasturga bittadan ortiq qiymatni qaytarishiga to`g’ri kelganda (masalan, kvadrat tenglamani yechgan qism-dastur ildizlarni asosiy dasturga olib chiqishi talab qilinganda).
  

Protseduralar umumiy holda quyidagicha e`lon qilinadi:

procedure Nom (var parametr1: tip1; ... var parametrK: tipK);

var

 Bu yerda lokal, ya`ni oraliq o`zgaruvchilar e`lon qilinadi

begin

 bu yerda protseduraning buyruqlari yoziladi

end;

Bu yerda procedure - xizmatchi so`z; Nom - protsedura nomi; birinchi var- asosiy dasturdan protseduraga tushadigan formal ma`lumotlar ro`yxati; ikkinchi var esa protseduradan asosiy dasturga qaytariladigan parametrlar ro`yxati. Misol uchun uchta a, b, c sonlardan uchburchak yasash mumkinligini ko’raylik. Ma`lumki, bu sonlardan uchburchak yasash mumkin bo`lishi uchun

shartlar bir vaqtda o`rinli bo`lishi kerak. Yuzasini Geron formulasi yordamida hisoblanadi. Bu masalaga mos protsedura quyidagicha yoziladi: