Mirsaid Aripov, Nurillo Otaxanov

Diqqat! Komponenta resurslari faylining nomi (Edit.dcr), moduli nomi (Edit.pas) bo`lishi kerak.

15.3. Komponentani o`rnatish

Resurslari fayli yaratilganidan so’ng, komponentani o`rnatish mumkin. Buning uchun Component → Install Component buyruqlari bilan Install Component oynasini ochish va undagi maydonlarni to`ldirish kerak. (15.4-rasm).

Unit file name oynasiga modul faylining nomi kiritiladi. Buning uchun Browse tugmasidan foydalanish mumkin.

Eslatma: Resurslar fayli Search path maydonida ko`rsatilgan papkalardan birida saqlangan bo`lish kerak. Aks holda, uning ota klassining nishoni shu komponentaga tayinlanadi.

Package file name maydoniga komponenta qo`shiladigan palitra nomi kiritiladi. Bu nom ko`rsatilmasa, yangi komponentalar Dclusr70.dpk paketiga qo`shiladi.

Package description maydoniga paketning nomi yoziladi. Dclusr70.dpk paketi uchun bu nom Borland User's Components

15.4-rasm. Install Component dialog oynasi

matnidan iborat. Ko`rsatilgan maydonlar to`ldirilganidan so`ng, OK tugmasi chertiladi va komponentani o`rnatish jarayoni boshlanadi. Dastlab, ekranda Confirm (15.5-rasm) oynasi ochiladi va unda Delphi paketni yangilashga ruxsat so`raydi. Yes javobidan so`ng, o`rnatish jarayoni davom etadi. Agar u ko`ngildagidek tugasa, ekranga paketning yangilanganligi haqidagi axborot (15.6-rasm) chiqariladi.

15.5. Paketni yangilash uchun ruxsat so`rash.

15.6-rasm. Komponentaning o`rnatilganligi haqidagi axborot

Komponenta o`rnatilganidan so`ng, Package (komponentalar paketi muharriri - 15.7-rasm) oynasi ochiladi va unda paketdagi komponentalar ro`yxati ko`rsatiladi.

Shu bilan komponentani o`rnatish jarayoni tugaydi va ko`rsatilgan qurollar palitrasida yangi komponenta nishoni paydo bo`ladi. (15.8-rasm).

15.7-rasm. Komponentalar paketining redaktori

15.8-rasm. NkEdit komponentasi o`rnatilganidan keyingi ko`rinish.

Yangi komponenta yaratishda eng ko`p uchraydigan hatolik - bu mavjud komponentani yangidan o`rnatishga urinishdan iborat. Bu holda Delphi ekranga quyidagi axborotni chiqaradi:

The package already contains unit named...

(Paketda ... deb ataladigan modul mavjud )

Bunday hatoning oldini olish hamda komponentani kerakli paketga qo`shish uchun dastlab komponentani paketdan o`chiriladi va qayta o`rnatiladi.