Mirsaid Aripov, Nurillo Otaxanov

16.2. Komponenta modulini testdan o`tkazish

Yangi komponentani komponentalar palitrasiga qo`shishdan avval, uni testdan o`tkazish lozim. Buning uchun shu komponentadan foydala-nuvchi ilova yaratib, yangi komponentani me`yorda ishlayotganligi tekshirib ko’riladi.

Forma yaratish jarayonida hozircha nishoni komponentalar palitra-sida mavjud bo`lmagan komponentani formaga qo`shib bo`lmaydi. Bunday komponentani dinamik, ya`ni dastur ishlab turganda formaga joylash mumkin.

Test o`tkazuvchi ilova odatdagi ilovalar kabi tashkil qilinadi: dastlab ilova formasi, so`ngra ilova moduli yaratiladi.

NkEdit komponentasini testdan o`tkazuvchi ilova formasi 15.2-rasmda tasvirlangan. Unda ikkita Label (Label1 eslatma-axborotni ekranga chiqaradi, Label2 esa (rasmda u ajratib ko`rsatilgan) kiritish maydonidagi sonni chiqarish uchun) xamda bitta Button tugmalarni ko’rish mumkin.

15.2-rasm NkEdit komponentasini tekshirish

Hozircha NkEdit tugmasi formada yo`q. Bu komponent dastur ishga tushganidan keyin dinamik tarzda yaratiladi va formaga joylanadi.

Forma yaratilganidan keyin, Delphi to`g’ridan-to`g’ri hosil qilgan ilova moduliga quyidagi o`zgarishlarni kiritish lozim:

1. Modullar ro`yxatiga (uses bo`limi) testdan o`tkazilayotgan komponenta (NkEdit) modulining nomi qo`shiladi;

2. O`zgaruvchilarni e`lon qilish bo`limiga (var) komponentani e`lon qilish buyruqlari yoziladi. Shuni yodda tutish kerakki, yangi komponenta ob’yekt hisoblangani uchun, uni bu bo`limda e`lon qilish yangi komponentani yaratmaydi, faqat uni ko’rsatuvchi ko`rsatkichni qayd qiladi holos. Demak, haqiqatdan ham yangi komponenta yarata oladigan ob’yekt konstruktorini chaqirishga to`g’ri keladi;

3. Ilova formasi uchun OnCreate protsedurasi qo`shiladi. U testdan o`tkazilayotgan komponenta konstruktorini chaqirib, komponenta yaratadi va qiymatlarini o`rnatadi.

15.3-listingda NkEdit komponentasi modulining matni keltirilgan.