Mirsaid Aripov, Nurillo Otaxanov

Komponentani o`rnatish. Yangi komponenta nishoni qurollar palitrasida ko`rinishi uchun, uni biror palitra (Packages) tarkibiga qo`shish lozim. Qurollar palitrasi – bu .dpk (Delphi Package File) kengaytmali fayllardir. Dasturchilar ishlab chiqan yangi komponentalar Dclusr70.dpk paketida joylashadi.

15.3-rasm. NkEdit komponentasi – kiritish maydonini testdan o`tkazish

Komponentani palitraga qo`shish uchun uning moduli va bitli tasvir - nishoni yozilgan resurslar faylidan (.DCR kengaytmali fayllar) foydalani- ladi. Resurs fayllaridagi bitli tasvir komponenta nomi bilan bir hil nomga ega bo`lishi lozim. Resurslar faylini Tools menyusidagi Image Editor Image Editor utiliti yordamida yaratish mumkin.

Yangi komponenta resurslari faylini yaratish uchun File→New buyrug’i tanlanadi va ochilgan ro`yxatdan yaratiladigan faylning tipi - Component Resource File tanlanadi. Natijada Untitledl.dcr oynasi ochiladi. Image Editor oynasida esa yangi punkt - Resource paydo bo`ladi. Endi Resource → New → Bitmap tugmalari yordamida ochiladigan Bitmap Properties oynasida komponenta nishonining bitli tasviri uchun o`lchamlar o`rnatiladi: Size - 24x24 piksel, Colors - 16. Bu amallar natijasida resurslar fayliga nomi Bitmap1 bo`lgan yangi resurs-bitli tasvir qo`shiladi. Resurs nomi Bitmap1 da sichqonchani ikki marta chertilsa, bitli tasvir muharriri oynasi ochiladi va endi unda kerakli tasvirni chizish mumkin bo`ladi.

Shuni yodda saqlash kerakki, tasvir o`ng quyi burchagining rangi "shaffof rang" ni belgilaydi. Komponenta nishonining shu rang bilan chizilgan elementlari Delphi komponentalari palitrasida ko`rinmaydi.

Komponenta resurslari faylini saqlashdan avval bitli tasvirga nom berish kerak. Bu nom komponenta klassining nomi bilan bir hil bo`lishi lozim. Bitli tasvirga nom berish uchun bitli tasvir nomi Bitmap1 ustida sichqonchaning kentekst menyusidan Rename tugmasi tanlanadi.

Komponenta resurslari faylini komponenta moduli saqlanayotgan katalogda saqlash lozim. Buning uchun File → Save buyrug’i tanlanadi.