Mirsaid Aripov, Nurillo Otaxanov

8.5. Modullarni yaratish va foydalanish

Ayrim protsedura va funksiyalardan ko`plab masalalar uchun foydalanish mumkin. Buning uchun xar doim ana shu protseduralarni dasturlar tarkibida yozishga to`g’ri keladi.

Dasturchi o`zi sevgan, o`zining ishi uchun ko`p marta qo`llashiga to`g’ri keladigan protsedura va funksiyalar bilan ishlaganda ham ana shunday vaziyat yuzaga kelishi mumkin.

Bunday hollarda dasturchi ishni osonlashtirish uchun protsedura va funksiyalardan alohida kutubxona tashkil etishi, va keyinchalik ulardan tayyor mahsulot sifatida foydalanishi mumkin.

Modul – bu protsedura va funksiyalar kutubxonasidir.

Delphi muhiti dasturchilar ixtiyoriga ko`plab protsedura va funksiyalarning standart modullarini berib qo`ygan. Dasturchi yangi loyixa ustida ish boshlaganda, forma va unga joylangan ob’yektlar bilan bog’liq modullar to`g’ridan-to`g’ri ishga tushadi. Bu modullar dastur matnida uses xizmatchi so`zidan keyin ko`rsatiladi. Masalan,

8.4-rasm. Uchburchak yasash haqidagi masalaning dialog oynasi

uses Windows, Messages, SysUtils, Variants, Classes, Graphics va x.k.

Shundan keyin, bu ro`yxatdagi modullarning protsedura va funksiyalaridan bemalol foydalanish mumkin. Buning uchun dasturchi o`ziga kerakli protsedura nomini ko`rsatsa yetarli.

Delphi dasturchilarga yangi modullar yaratish va foydalanish uchun imkon beradi. Buning uchun dasturchi foydalanmoqchi bo`lgan protsedurasi joylashgan modul nomini uses buyrug’idagi ro`yxatga qo`shib qo`yishi kerak bo`ladi.