Mirsaid Aripov, Nurillo Otaxanov

19.3. OLE ilovaga namuna

Delphi tarkibiga kirgan namoyish dasturlarining ichida ikkitasi OLE ob’yekt bilan ishlashga mo`ljallangan:

X :\DELPH\DEMOS\OLE2

hamda

X :\DELPHI\DEMOS\DOC\OLE2.

Ularning ichida ikkinchisi to`laroq bo`lib, qo`shimcha ravishda MDI ilova qurishga ham misol bo`la oladi. Bu dastur TOLEContainer komponentasining hamma imkoniyatlarini namoyish qiladi hamda:

- dasturning bajarilishi jarayonida yangi OLE konteyner yaratishga imkon beradi;

- OLE ob’yektni yoki Windowsning standar “Insert Object” dialog oynasida, yoki Clipboard yordamida, yoki "olib o`tish va tashlash" texnikasi (drag-and-drop) yordamida initsializatsiya qiladi;

- OLE ob’yektlarni faylda saqlash va fayldan qayta tiklash.

18.5-rasmda MDI ilovaga misol keltirilgan. Unda formaga ikkita OLE ob’yektli oynalar joylashtirilgan.

Yangi OLE ob’yektini yaratish uchun File menyusidan New buyrug’i tanlanadi. So`ngra Edit menyusidan Insert Object tugmasi chertiladi. ekranda Windowsning OLE ob’yektlarini initsializatsiya qilish uchun standart dialog oynasi paydo bo`ladi. (18.1-rasm). OLE-server ilovasi OLE ob’yekt haqidagi ma`lumotlarni Clipboard da saqlab qo`yish imkoniyatiga ega. Shuningdek, OLE ob’yektlarni Edit menyusining Paste Special buyrug’i yordamida initsializatsiya qilish mumkin.

Drag-and-drop texnikasini OLE ob’yektlariga nisbatan qo`llash uchun MS Word ni ishga tushiriladi. Uning oynasini shunday joylashtirish kerakki, OLE-ilova ham ko`rinib tursin. Biror matn yoziladi va bu matnni ajratib olib, sichqoncha yordamida uni MDI ilovaning bosh oynasiga tashlanadi. ekranda shu matnni o`z ichiga olgan OLE konteynerli qo`shimcha oyna paydo bo`ladi.


18.5-rasm. MDI ilova