Mirsaid Aripov, Nurillo Otaxanov

12.4. Suratlarni ekranga chiqarish

Surat deganda oldindan tayyorlangan (masalan, PAINT grafik muharrir yordamida) va kengaytmasi bmp, jpg yoki ico bo`lgan fayllar nazarda tutiladi.

Suratlarni sohaga Image komponentasi yordamida chiqarish mumkin. Uning nishoni Additional qurollar panelida joylashgan. 11.8-jadvalda Image komponentasi asosiy hususiyatlarining ro`yxati keltirilgan.

Image komponentasining hususiyatlari 11.8-jadval

Hususiyati	Mazmuni
Picture	Komponenta maydonida aks ettiriladigan rasm
Width, Height	Komponenta o`lchamlari. Agar ular surat o`lchamidan kichik, AutoSize va Strech lar False bo`lsa, u holda suratning ma`lum bir qismi ko`rinadi holos.
AutoSize	Komponenta va surat o`lchamlarini bir-biriga moslash
Strech	Suratni komponenta o`lchamlariga moslashtirish. Buning uchun AutoSize - False bo`lishi kerak.
Vizible	Komponenta va suratni ekrandagi formada ko`rsatish

Komponeta maydonida suratlarni ilova formasini yaratish jarayonida ham, dastur ishlayotgan vaqtda ham ko`rsatish mumkin.

Ilova formasini ishlab chiqishda suratlar Picture hususiyati uchun grafik faylni tanlash orqali ko`rsatiladi. Picture hususiyati Picture Editor (11.12-rasm) oynasining Load tugmasi chertilganda ochiladi. Image Editor ni ishga tushirish uchun Object Inspector oynasida Picture husuiyati yonidagi uch nuqtali tugma chertiladi.

Agar surat o`lchamlari komponenta o`lchamlaridan katta bo`lsa, u holda Strech hususiyatiga True qiymati, Width va Height hususiyatlariga esa suratning haqiqiy o`lchamlariga proportsional qiymatlar berish lozim.

Dastur yordamida suratlarni Image maydoniga chiqarish uchun Picture hususiyatiga LoadFromFile metodini qo`llash lozim. Bu metodga parametr sifatida surat faylining nomi ko`rsatiladi. Masalan:

Form1.Image1.Picture.LoadFromFile('C:\temp\bart.bmp')

ko`rsatmasi bart.bmp faylidagi suratni Image1 maydoniga chiqaradi.

11.5-listingdagi dastur foydalanuvchi tanlagan suratlarni Image komponentasida ko`rish uchun xizmat qiladi (11.13-rasm).