Miqdoriy analizning fizikaviy va fizik-kimyoviy usullari

Eritmalarning rangini solishtirish usullari
Eritmalar ranglarining intensivligini solishtirishda asosan vizual va fotoelektrokolorimetrik usullardan foydalaniladi. Vizual usul bilan olingan natijalarning aniqlik darajasi ancha past, chunki olingan natija tajriba o’tkazuvchining sub‘ektiv xolatiga bog’liq. Fotokolorimetrik usulda eritma rangining intensivligini o’lchash orqali ob‘ektiv ma‘lumotlar olinadi va ularning aniqlik darajasi yuqori.
Vizual solishtirish usullari
Standart seriyalar usuli. Bu usulda bitta standart eritma tayyorlanmay . balki aniqlanadigan ionning asta-sekin ortib boradigan kontsentratsiyalarga ega bo’lgan 10-15 ta standart eritmalar seriyasi tayyorlanadi. Masalan: Si²⁺ ionini standart seriyalar usuli bilan aniqlash uchun bir xil xajmli probirkalardan 10-15 ta olib ularga SiSO₄ standart eritmasidan ortib boradigan miqdorlarda (masalan 1,00:2,00:3,00 ml ) solinadi, Si²⁺ ionlarini intensivligi zangori rangli [Cu (NH₃)₄]²⁺ kompleks ionlariga aylantirish uchun tegishli reaktiv (masalan NH₄OH) eritmasidan barcha probirkalarga bir xil xajmda solinib, ularning xajmi bir bo’lguncha disstillangan suv qo’shib, suyultiriladi. Shunday qilib, tekshiriladigan eritmadagi misning qaysi kontsentratsiyasiga qanday rang to’g’ri kelishini Ko’rsatadigan kolorimetrik shkala hosil qilinadi.
Tekshiriladigan eritmaga ham NH₄OH eritmasidan qo’shib xuddi yuqoridagi kabi disstillangan suv kuyib suyultiriladi. Tayyorlangan eritmaning ranggi kolorimetrik shkaladagi standart eritmalar rangi bilan solishtirilib kuriladi.
Eritmalar ranglarini intensivligingi solishtirishda komparatar asbobidan keng foydalaniladi.
Suyultirish usuli. Bu usulda birgina standart eritma tayyorlanadi. Tekshirilayotgan eritmaga reaktiv qo’shib, unda xususiy rang hosil qilinadi. Standart yoki tekshirilayotgan eritmalardan qaysi birining rangi quyuqrok bo’lsa, usha eritmani asta-sekin suyultirish yo’li bilan eritmalar rangi tenglashtiriladi. Masalan tekshirilayotgan eritmaning xajmi 15,00ml bo’lib u 24,75ml ga qadar suyultirilgan bo’lsin u xolda aniqlanayotgan ionning eritma suyultirilganiga qadar ulgan kontsentratsiyasi 24,75:15,00=1,65 marta standart eritmaning kontsentratsiyasiga nisbatan ko’p ekan. Tekshirilayotgan eritmadagi aniqlanayotgan ionning kontsentratsiyasini topish uchun standart eritma kontsentratsiyasini 1,65 ga ko’paytirish kerak.