Miqdoriy analiz. Gravimetriya

Cho‘ktirish usullarida aniqlanadigan modda kimyoviy reaksiyalar yordamida kam eruvchan birikma holida cho'ktiriladi. Hosil bolgan cho‘kma dekantatsiyalanadi, filtrlanadi, yuviladi va so‘ngra quritiladi. Quritish jarayonida va, ayniqsa, kuydirish natijasida cho'kma butunlay boshqa moddaga aylanishi mumkin. Gravimetriк analizda ana shuning uchun ham cho'ktiriladigan va tortiladigan shakllar tushunchalari mavjud. Tegishli reaktiv ta’sirida eritmadan cho'kmaga tushirilgan, kam eruvchan birikma cho'ktiriladigan, analizning oxirgi natijasini olish uchun tarozida tortiladigan birikma esa tortiladigan shakl deb ataladi. Ayrim hollarda, tortiladigan va cho'ktiriladigan shakllar o‘zaro to‘g‘ri kelishi ham mumkin, masalan, BaSO^ bunga misol bo'la oladi.