Минтақавий камбағаллик ва уни қИСҚартириш муаммолари низамов А. Б., Захидова У. Ф., Бобомуродов Қ. Бухоро муҳандислик – технология институти

2-жадвал
Минтақада иқтисодий камбағаллик профилига таъсир этувчи омиллар тизими⁵

№	Минтақавий камбағаллик омиллари	Қисқача шарҳ	Таъсир этиш кўлами
Институционал омиллар
1	Жамиятнинг иқтисодий тараққиёти ва ундаги демократик жараёнларнинг ривожланиши.	Mинимал эҳтиёжлар категорияси ва унга мос равишда камбағаллик тушунчаси ҳар доим нисбий бўлиб, иқтисодиёт ва фуқаролик ҳуқуқлари ривожланиши билан ўзгариб туради. Иқтисодий ривожланиш даражаси қанчалик юқори бўлса, жамиятнинг барча аъзолари учун ҳуқуқ ва имкониятларнинг тенглигини таъминлашнинг аҳамияти шунчалик катта бўлади, минимал деб тан олинган инсон эҳтиёжлари доираси шунчалик кенг бўлади.	Барча камбағаллик тоифалари
Иқтисодий омиллар
2	Айрим соҳа ва тармоқлардаги паст иш ҳақи	Ишлаётганлар камбағаллиги асосан бюджет соҳасида ва маҳсулот рақобатбардошлиги паст бўлган тармоқларда - қишлоқ хўжалиги, енгил саноатда шаклланади.	Иш ҳақи даражаси қониқтирмайдиган соҳа ва тармоқларда ишлаётган камбағаллар
3	Юқори даражада даромадлар табақалашуви	Даромадларнинг табақалашуви аҳоли жон бошига тўғри келадиган ўртача даромаднинг пастлиги шароитида кузатилмоқда. Бозор иқтисодиётида даромадларнинг фарқланиши, бир томондан, меҳнат фаолиятини рағбатлантирса, иккинчи томондандан, минтақалардаги камбағаллик даражасини чуқурлагтиради.	Ишсиз камбағаллар
4	Минтақалар ривожланишидаги фарқлар	Ҳудудларнинг иқтисодий ривожланишидаги фарқлар турмуш даражасининг фарқланишини оширади	Иқтисодий танг ҳудудлардаги фаол камбағаллар
5	Ишсизлик даражаси	Мамлакатда ишсизликнинг яширин шакли кенг тарқалган бўлиб, камбағаллик хавфини оширади, чунки норасмий бандлик паст иш ҳақи, тўлиқ ва доимий бўлмаган бандлик ҳамда расмий ишлаётганларга нисбатан маълум имтиёзлардан маҳрум бўлиши билан тавсифланади. Меҳнат бозорида ишчиларнинг заиф тоифалари (ногиронлар, кўп болали оналар ва ёлғиз оналар, пенсия ёшидаги ишчилар ва бошқалар) кам иш ҳақига тоқат қилишга мажбур	Камбағаллик чегарасида норасмий банд бўлган фуқаролар