Mingbuloq parrandachilik

Экологик асоратлар ҳақида аҳборот - қуриш (реконструкция қилиш, модернизациялаш, кенгайтириш) тугалланган объектни (ёки уни участкасини) фойдаланишга қабул қилиб олингунгача бажараладиган атроф-муҳитга таъсирини баҳолаш ва атроф-муҳитга таъсирнинг экологик нормативларини белгилаш тартиботларининг якунловчи босқичи;
Ифлослантирувчи ташламалар, оқавалар манбаларини, чиқиндилар пайдо бўлиши ва жойлаштирилишини хатловдан ўтказиш – атроф-муҳитга ташланадиган, ифлослантирувчи моддалар ташламалари, оқавалари, чиқиндилар пайдо бўлиши ва жойлаштирилишини ва уларнинг сифат таркибини аниқлаш , рўйҳатдан ўтқазиш, жойлаштириш, миқдорини, манбалари параметрларини аниқлаш жараёни;
Атроф-муҳитни ифлослантириш манбаи – ишлаб чиқариш жараёнида атроф- муҳитга тушадиган моддалар ёки моддалар йиғиндиси туфайли пайдо бўладиган ифлослантирувчи антропоген объект;


Квота – одамга ва атроф-муҳитга таъсирини ҳисобга олган ҳолда, ташкилот жойлаштириладиган туман учун мўлжалланган, атмосферанинг ер усти қатламидаги ифлослантирувчи модданинг йўл қўйиладиган нормаси;
Чиқиндининг хавфлилик класси – атроф-муҳит объектига ва одамга етказилиши мумкин бўлган салбий таъсир даражаси бўйича чиқинди ёки унинг компоненти градацияси;
Чиқиндиларни жойлаштириш лимити – муайян муддатда жойлаштириш учун рухсат этилган чиқиндиларнинг чекланган миқдори;
Чиқиндиларнинг пайдо бўлиш нормаси – асосий хом ашёнинг муайян массасини қайта ишлашда ёки чиқиндиларнинг пайдо бўлиш нормативини таъминлаш шароитларида тайёр маҳсулотни муайян миқдорда тайёрлашда чиқадиган чиқинди миқдори;
Чиқиндиларнинг пайдо бўлиш нормативи – маҳсулот бирлигини ишлаб чиқаришда чиқиндилар аниқ турининг ёки уларнинг бошланғич хом ашё бирлигига тўғри келадиган белгиланган миқдори;
Атроф-муҳитга ифлослантирувчи моддалар ташламалари ва оқаваларини, чиқиндиларнинг пайдо бўлиши ва жойлаштирилишини нормалаш – табиий ўзгаришлар жараёнида энг сезгир организмлар (индикатор) ёрдамида аниқланган йўл қўйиладиган чегаралар;