Mineral о‘g‘itlar samaradorligini oshirish yо‘llari

О‘quv fanining maqsadi va vazifalari
Fanni о‘qitishdan maqsad- talabalarga mineral о‘g‘itlar samaradorligini oshirish yо‘llari; mineral о‘g‘itlarning ahamiyati va samaradorligi; dunyoda va О‘zbekistonda о‘g‘it qо‘llash va ularning samaradorligi; mineral о‘g‘itlar qо‘llashning ilmiy asosi; ulardan foydalanishning iqtisodiy samaradorligi va ekologik ahamiyati hamda ularni amaliyotda tadbiq etish kо‘nikmasini hosil qilishdan iborat.

Ushbu maqsadga erishish uchun fan talabalarni nazariy bilimlar, amaliy kо‘nikmalar, tabiiy hodisa va jarayonlarga uslubiy yondashish hamda ilmiy dunyoqarashini shakllantirish vazifalarini bajaradi.

Fan bо‘yicha talabalarning bilim, kо‘nikma va malakalariga quyidagi talablar qо‘yiladi. Magistr:

- mineral о‘g‘itlarning ahamiyati; tuproq unumdorligini oshiradigan, о‘simliklarni oziq elementlar bilan ta’minlaydigan manba ekanligi; mineral о‘g‘itlardan foydalanish tarixi; mineral о‘g‘itlarning turlari; dunyoda va О‘zbekistonda о‘g‘it qо‘llash va ularning samaradorligi; mineral о‘g‘itlar qо‘llashning ilmiy asosi; ulardan foydalanishning iqtisodiy samaradorligi va ekologik ahamiyati tо‘g‘risida tasavvurga ega bо‘lishi;

- mineral va organik о‘g‘itlarni birgalikda qо‘llashni, о‘g‘itning yilliy meyorlarini aniqlash usullarini, о‘simliklarning ildiz tizimi va о‘g‘itdan foydalanishda uning ahamiyatini bilishi va ulardan foydalana olishi;

- mineral о‘g‘itlarni о‘simlikning biologik talabi bilan bog‘langan xolda qо‘llash; о‘g‘it qо‘llashning samaradorligini aniqlash; mineral о‘g‘itlardan oqilona foydalanish haqida kо‘nikmalarga ega bо‘lishi kerak.

Oliy ta’lim muassasalarida о‘qitilayotgan «Mineral о‘g‘itlar samaradorligini oshirish yо‘llari» kursi talabalarda ilmiy dunyoqarashni shakllantirishi va amaliy faoliyatga yо‘naltirishga xizmat qilishi lozim.

Hozirgi kunda uzluksiz, ilgarilovchi oliy ta’lim tizimini joriy qilish muhim ahamiyat kasb etadi. Bо‘lg‘usi oliy ma’lumotli mutahassislar faqatgina bugungi kun mineral о‘g‘itlar qо‘llashdagi muammolarni о‘rganish bilan cheklanib qolmasliklari kerak. Ular bu sohadagi mavjud muammolarning oqibatlarini oldindan kо‘ra bilishlari va faoliyatlarini shunga mos holda tashkil qilishlari zarurdir. Buning uchun ilm izlash, о‘rganish va unga amal qilish lozimdir.

2.