Milliy g ‘ oya va mafkura ilmiy-amaliy markazi

To‘maris, Shiroq, Najmiddin Kubro, Jaloliddin Mangu-
berdi, Amir Temur kabi jasur ajdodlarimizga kuch-qudrat
bergan tuyg‘u avvalo ona yurt oldidagi muqaddas farzandlik
burchi, unga sadoqat tuyg‘usi, Vatan ozodligini eng ulug‘
ne’mat deb bilish hissi edi.
Bugungi kunda xalqimizning ozod va erkin hayot barpo etish,
dunyodagi taraqqiy topgan mamlakatlar qatoridan munosib o‘rin
egallash yo‘lidagi ulkan intilish va harakatlarining mustahkam man-
bayi ham ana shunday buyuk tuyg‘ulardir.
Aziz o‘quvchi, shuni unutmang, dunyoda ko‘pgina xato va kamchi-
liklar, hatto gunohlar kechirilishi mumkin, ammo ota-onaga, yor-u
do‘stlarga, Vatanga xiyonat aslo kechirilmaydi.
!

---

7
____________
1 
Islom Karimov
. Yuksak ma’naviyat – yengilmas kuch. –T.: «Ma’naviyat»
nashriyoti, 2013-yil, 122-bet.
«Men har qanday yovuzlikni sotqinlikdan ko‘raman. Ezgu-
likka va haqiqatga sadoqati bo‘lmagan, ularga ishonmagan
odam qo‘rqinchlidir»
1
.
Vatan tuyg‘usini chin dildan his etish, shu tuyg‘u bilan yashash
inson hayotiga ma’no-mazmun bag‘ishlaydi, uni kamolot sari yetak-
laydi. Bunday odam hayotning murakkab so‘qmoqlarida adashmaydi,
o‘z xalqining mard va fidoyi farzandi bo‘lib voyaga yetadi. Eng mu-
himi, bunday insondan uning o‘zi ham, el-yurti ham naf ko‘radi, rozi
bo‘ladi.
Savol va topshiriqlar:
1. Mustaqillik kuni sizning shahringiz yoki qishlog‘ingizda qanday
nishonlanadi?
2. Mustaqillik haqida qo‘shiq yoki she’r bilasizmi?
3. Afg‘on qizi nima uchun orzusiga erisholmadi?
4. Yurtimiz yoshlari, jumladan, qizlarimizning o‘qishda, ilm-fan, mada-
niyat, sport sohalaridagi yutuqlari haqida nimalarni bilasiz?
5. O‘zingiz qaysi sohaga qiziqasiz?
6. Rasmlarga qarab, mamlakatimizda yoshlar uchun yaratilgan imko-
niyatlar haqida so‘zlab bering.