«Миллий истиқлол ғояси» фанини ўқитишнинг таълимий ва тарбиявий аҳамияти

Узлуксиз таълим тизимида миллий истиқлол ғоясини ўқувчи-талабалар онгига сингдиришда фан мазмунига қўйиладиган талаблар
Кишилик жамиятининг ривожланиши энг аввало, келажак авлоднинг ким бўлиб етишиши, уларнинг билим савияси, маданияти ва саломатлигига боғлиқдир. Шунингдек, уларнинг онги ва шуурига истиқлолимиз, эришган ютуқларимиз, миллатимиз ҳақида кенг тушунчаларни ҳосил қилиш долзарб вазифа ҳисобланади.
Ҳар бир ўқувчи ўз ягона ватани Ўзбекистон экани, у билан фахрланиши, миллий ғурурли бўлиб вояга етиши, Ватанни асраш миллий бурч экани, юрт тинчлиги, Ватан равнақи, халқ фаровонлиги учун ҳалол меҳнат қилиши, яхши ўқиши, ҳунар ўрганиши орқали ҳар бир шахс ўзининг моддий ва маънавий эҳтиёжларини қондириши, халқимиз нуфузини оширишга муносиб ҳисса қўшиши мумкинлигини тушуниб етмоғи зарур.
Бунинг учун узлуксиз таълим тизими босқичларида ўқувчи-талабаларга миллий истиқлол ғоясини сингдиришда фан мазмунини қуйидаги тарзда ёритиб бориш мақсадга мувофиқ:


Мактабгача таълим
Мактабгача таълим муассасаларида
Болаларда Ватан, унинг рамзлари ҳақида тасаввурлар ҳосил қилиш. Миллий истиқлол ғоясини кўргазмали воситалар билан сингдириш.
- ўйин машғулотлар орқали;
- эртак ва ривоятлар ҳикоя қилиш;
- суҳбат;
- саҳналаштириш, ролли ўйинлар;
- сайр ва саёҳатлар давомидаВатан туйғусини кучайтириш.
Мактабгача ёшдаги болаларда миллий истиқлол ғоясига доир кўникма ва малакаларни шакллантиришнинг амалий йўналишлари қуйидагилардан иборат бўлмоғи лозим:
- мустақил фикрлаш;
- фикрини равшан ифодалай олиш;
- виждонлилик, ростгўйлик;
- меҳнатсеварлик;
- бурчни ҳис ва идрок қилиш;
- ўз-ўзини англаш;
- масъулиятлилик;
- жамоавийлик.
Кичкинтойларни мактаб таълимига тайёрлашда қуйидагиларга эътибор қаратиш зарур:
- ўқиш, ўрганишга ҳавас уйғотиш;
- табиатни асраб-авайлашга ўргатиш;
- китобхонликка қизиқтириш;
- озодалик ва саломатлик одоби;
- одоб кўникмаларини пайдо қилиш;
- ўз ҳатти-ҳаракати учун масъулиятни тарбиялаш.