«Миллий истиқлол ғояси» фанини ўқитишнинг таълимий ва тарбиявий аҳамияти

Узлуксиз таълим тизимида миллий истиқлол ғоясини сингдириш қуйидаги босқичларда амалга оширилишини ҳисобга олиш зарур:
1-босқич. Мактабгача таълим ёшидаги болаларга миллий истиқлол ғоясини сингдириш;
2-босқич. Умумий ўрта таълим мактаблари ўқувчиларига миллий истиқлол ғоясини сингдириш;
3-босқич: Ўрта махсус ва касб-ҳунар таълими тизимида ёшларга миллий истиқлол ғоясини сингдириш;
4-босқич. Олий таълим тизимида талаба-ёшларда миллий истиқлол ғоясини шакллантириш;
5-босқич. Миллий истиқлол ҳояси бўйича педагог ходимларни қайта тайёрлаш ва малакасини оширишни тизимли асосда йўлга қўйиш.
Миллий истиқлол ғоясини ўқувчилар онгига сингдиришда ўқув жараёнини узвийлик-узлуксизлик асосида самарали ташкил этиш йўллари
- фан бўйича билимларни бериш ва тегишли кўникмаларни ҳосил қилишда замонавий педагогика фани ютуқларини самарали қўллаш;
- дастурда кўрсатилган мавзулар бўйича дарс ишланмаларини яратиш;
-дарсларни ўқитишда, тарбиявий ишларда янги педагогик технологиялар, инновацион усуллардан унумли фойдаланиш ;
- ўқувчи-талабаларни аниқ, улар бажара оладиган вазифалар бериш, ижросини назорат қилиш, таъминлаш ҳамда рағбатлантириш;
- фанга нисбатан ўқувчи-талабаларда қизиқиш уйғотиш;
- жорий, оралиқ ва якуний назоратни амалга ошириш учун мавзулар, бўлимлар, боблар бўйича назорат турларини аниқлаш ва улар учун материалларни тайёрлаш;
- билимларни баҳолашда ўқувчи-талабанинг мустақил фикрлаши, ҳаётий мисоллар келтира олиши ёки ўз ҳатти-ҳаракатлари мисолида тушунтира олишига кўпроқ эътибор бериш;
- ўқувчи-талабанинг фан асосида Ватан, миллат ва унинг келажагига бўлган муносабатини унинг ҳатти-ҳаракатларида намоён бўлишига эришиш;
- фанга оид алоҳида аудитория хоналарининг миллий истиқлол ғоясини ўқитиш талабларига мувофиқ жиҳозланишини таъминлаш;
- ҳар бир мавзуни ёритишда камида битта интерфаол услубни қўллаш ва кўргазмали қуролларга эга бўлиш;
- профессор-ўқитувчиларнинг малака даражаларини муттасил ошира бориш;
- маънавий-маърифий тадбирларнинг ижтимоий, иқтисодий ва сиёсий жараёнларнинг барча жабҳаларини қамраб олиши;
- ўқувчи-талабаларнинг ҳаётни тўла англашга, бугунги кунни қадрлашга, жамиятнинг етук аъзоси бўлиб етишишга интилишларига кўмаклашиш;