Миллий ғоя, маънавият асослари ва ҳуқуқ таълим кафедраси ҳақида маълумот

Миллий ғоя, маънавият асослари ва ҳуқуқ таълим кафедраси ҳақида маълумот

Кафедра ЧДПИ ректорининг 2021 йил 28 августдаги “Институт таркибий тузилмасига ўзгартириш киритиш тўғрисида”ги 01-215-сонли буйруғи асосида ташкил этилган бўлиб, жорий ўқув йилида жами 16 нафар профессор-ўқитувчи, шундан 2 нафар фан доктори, профессор, 6 нафар фан номзоди ва доцентлар, 8 нафар малакали ўқитувчилар фаолият юритмоқда.

Кафедра гуманитар фанлар факультети деканига бўйсунади. Айни пайтда кафедрани ф.ф.н. доцент Ш.Х.Тоғаев бошқармоқда.
Кафедрада Миллий ғоя, маънавият асослари ва ҳуқуқ таълими, Ижтимоий иш(фуқаролар ўзини-ўзи бошқариш органлари) таълим йўналишлари бўйича бакалаврлар, шунингдек Ижтимоий-гуманитар фанларни ўқитиш методикаси(Маънавият асослари) мутахассислиги бўйича магистрлар тайёрланади. Кафедрада ўқитиладиган мутахассислик фанлари бўйича ўқув, услубий, илмий-услубий, илмий-тадқиқот ишлари, шунингдек, илмий ва илмий-педагогик кадрлар тайёрлаш ташкилий, маънавий-маърифий ва тарбиявий ишлар амалга оширилади.

• 
  Кафедра профессор-ўқитувчи ва иқтидорли талабалари институт қошидаги “Юридик клиника” фаолиятини олиб бормоқдалар. Клиника фаолияти бўйича Тошкент давлат юридик университети, Жахон иқтисодиёти ва дипломатия университети билан ҳамкорлик меморандумлари имзоланган.
  
• 
  Мактаб-лаборатория” лойиҳаси доирасида илмий-тадқиқот ишлари олиб борилмоқда ва олинган натижалар илмий журналларда чоп этилмоқда.
  
• 
  Кафедра қошида “Тарбия фанини ўқитиш методикаси” илмий-амалий маркази ташкил этилган. Мазкур марказ кафедра профессори Г.Ғ.Ғаффорова рахбарлигида фаолият олиб бормоқда. Марказда умумий ўрта таълим мактаб ўқитувчиларига методик ёрдам кўрсатиш бўйича ўқув семинарлар ташкил этилган.
  
• 
  Кафедра профессор-ўқитувчилари ПТИК доирасида самарали фаолият олиб бормоқда. Айни пайтда шу йўналишда 4 та магистрлик диссертациялари тайёрланмоқда.
  
• 
  Вилоят мактаб ўқитувчиларини ПТИК га жалб қилиш мақсадида илмий семинарлар мунтазам ташкил этилмоқда.
  
• 
  Кафедра профессор-ўқитувчилари томонидан 2 та ўқув қўлланма нашр қилинган, шунингдекжорий ўқув йилида яна 2 та ўқув қўлланма, 3 та монография, 36 та илмий мақолалар нашр қилиш режалаштирилган.