Millatlararo munosabtlar sohasidagi davlat siyosati

Milliy madaniy markaz - O’zbekistonda yashovchi muayyan bir millat vakillarining milliy madaniy ehtiyojlarini qondirishga xizmat qiluvchi jamoat tashkilotlari. Birinchi Prezidentimiz tashabbusi bilan 1992 yil 13 yanvarda Respublika Baynalmilal madaniyat markazi tashkil etildi. 1992-yil 10 ta, 1995-yil 72 ta, 2003-yil 135 ta, 2020-yil 138 ta Milliy Madaniy Markazlar tashkil etildi
O‘zbekiston Respublikasi Prezidenti Shavkat Mirziyoev Respublika baynalmilal markazi tashkil etilganining 25 yilligiga bag‘ishlangan uchrashuvdagi nutqida quyidagilarni haqli tarzda ta’killagan edi: “Mustaqillik yillarida mamlakatimizda millatlararo munosabatlar rivojida yangi bosqich boshlandi. Bag‘rikenglik va insonparvarlik madaniyatini rivojlantirish, millatlararo va fuqarolararo hamjixatlik va totuvlikni mustahkamlash, yosh avlodni shu asosda, Vatanga muhabbat va sadoqat ruhida tarbiyalash O‘zbekistonda davlat siyosatining eng muhim ustuvor yo‘nalishlaridan biri etib belgilandi. Bularning barchasi hayotda o‘zining to‘liq ifodasini topdi”.
O‘zbekiston Respublikasi Konstitutsiyasining 8-moddasida “O‘zbekiston xalqini, millatidan qat’nazar, O‘zbekiston Respublikasining fuqarolari tashkil etadi”, deya qayd etilgan.
O‘zbekistonda tug‘ilgan, uning zaminida yashab, mehnat qilayotgan har bir kishi, millati va irkiy mansubligidan, diniy e’tiqodidan qat’iy nazar, mamlakatimizning teng huquqli fuqarosi bo‘lishga munosib.
O‘zbekiston fuqarolari o‘zlarining nasl-nasabi, irqi, ijtimoiy kelib chiqishi va boshqa holatlaridan qati nazar, O‘zbekiston xalqini tashkil etadi.
Konstitutsiyamizning 18-moddasida ham “O’zbekiston Respublikasida barcha fuqarolar bir xil huquq va erkinliklarga ega bo’lib, jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeyidan qat’iy nazar qonun oldida tengdirlar.
Imtiyozlar faqat qonun bilan belqilab qo’yiladi hamda ijtimoiy adolat prinsiplariga mos bo’lishi shart” degan norma asosida turli diniy e’tiqoddagi insonlarning dini va e’tiqodidan qat’iy nazar, qonun oldida teng ekani e’tirof etilgan.
Prezident Shavkat Mirziyoyev 2017 yil 19 sentyabrda Birlashgan Millatlar Tashkiloti Bosh Assambleyasining 72-sessiyasida “Maʼrifat va diniy bagʻrikenglik” deb nomlangan maxsus rezolyutsiya qabul qilish tashabbusi bilan chiqqani jahon hamjamiyatining diqqatini tortgan edi.