-

(Касб-хунар, фойдали мехнатга ўргатиш, турли тўгараклар фаолиятини жонлантириш, спорт клубларида қулай имкониятлар яратиб бериш мухимдир).
7- Вилоятимизнинг шахар, туман, махалларида махалла раислари томонидан ойда 1 марта ахолига терроризмга қарши курашга қаратилган давра сухбатларини ташкил қилиш. (Махалла раислари томонидан ахоли ўртасида тарғибот ишарини ўтказишда ёши улуғ, хаётий тажрибага бой, оқ-қорани яхши биладиган махалла оқсоқоллари, масжид имоми, хамда участака нозири томонидан ёт ғояларга қарши ахолини иммунитетини шакиллантириш мақсадида терроризмнинг туб мохиятини очиб бериш, масжид имоми томонидан диний томонлама керак бўлса Қуръон оятлари ҳадислар орқали бу фирқаларнинг тутган йўли жахолатдан, адашишликдан бошқа нарса эмаслиги хақида ахолига тушунча бериш нур устига аъло нур бўларди. Лекин яна бир муаммо шундаки бу ишларни айрим қўштирноқ ичидаги махалла раислари фақат қоғозда ёки хўжа кўрсинга ўтказмасдан, бу масалага жиддий ёндашиб уни амалда виждодан бажарса мақсадга мувофиқ бўлади. Махалласига ким киряпти – ким чиқяпти бундан хабардор бўлиш, ахоли орасида бирорта бегона одамни ўзича диний талим беришга юзаки қарамасдан бу хақда кераклича маълумот олиш, ким, қаердан келди, диний таълимни қаерда олганлиги хақида чуқурроқ суриштириб, бу хақда мутасадди ташкилотларга ўз вақтида маълумот берса бу офатни олдини олишда катта ёрдам берган бўлади. Бу борада албатта махалла раисларига ёрдам беришда бутун жамоатчилик –

115
махалла оқсоқоли, диний маърифат ва маънавий ахлоқий тарбия масалалари бўйича маслахатчи, имом, “ маънавият ва маърифат ” маркази, хотин қизлар қўмитаси каби ижтимоий ташкилотларнинг жойлардаги масъуллари биргаликда фаол ишлашлари керак.)

8- Шахар туман ва махаллалардаги “ Уюшмаган ёшлар ” билан ишлаш. Уларни тарбияси билан шуғулланиш улар ўртасида кенг қамровли тарғибот ишларини олиб бориш. (Бугунги кунда бизни энг оғриқли нуқтамиз уюшмаган ёшлар билан таълим-тарбия ишларини олиб бориш хисобланади. Машойиқларда бири “Агар болаларнинг табиясини менга қолдирсалар одамларнинг ахволини бутунлай ўзгартириб юборар эдим деган экан”. Фарзад тарбияси инсон ва оила тақдирини жамият равнақини хатто миллат тараққиётини ўзгартиришга қодир. Шу боис мамлакатимизда ёшларни жисмонан етук, маънан баркамол қилиб тарбиялашга алохида этибор бериляпти. Очиғини айтиш керак бугун кўпчилик ота-оналар иши кўплиги вақти зиқлигини бахона қилиб фарзандини тергаб туриш кераклигини хам унутиб қўймоқда. Боланинг хулқ атвори ўқишларини ўзлаштириши билан қизиқмаслик жиддий оқибатларга олиб келади. Бундай ёшларни кўпайишига эса йўл қўйиб бўлмайди. Кўчада бехуда вақт сарифлаб, талим муассасаларига бормасдан бирор жойда хунар ўрганмасдан, тайинли бирор ерда ишламасдан, вақтини бекор ўтказиб, кўча-кўйда безорилик қилиб юрган ёшларимизни бу йўлдан қайтармасдан ўз холича ташлаб қўйсак эртага жамият учун фойда келтирадиган шахс бўлиб етишишига ким кафолат беради ?.. Ёки жиноят кўчасига кириб кетмаслигига, хар хил диний экстемистик оқимларга қошилиб, эртада ватанига хиёнат қилмсликка, қанчадан-қанча ёшларни ёт бузғунчи ғоялар билан захарламасликка ким кафолат беради?.. Будай ёшлар билан оилада жиддийроқ тарбия ишларини олиб бориш зарур эмасми? Бу гаплардан бола тарбиясига фақат ота-она масул деган хулоса чиқармаслик керак, бундай ёшлар билан ишлашда ўқитувчи ва мураббийлар Камолот ЁИҲ, участка нозирлари, диний маърифат ва маънавий ахлоқий тарбия масалалари бўйича маслахатчи, имом, “маънавият ва маърифат” маркази, хотин қизлар қўмитаси каби ижтимоий ташкилотлар, махалла ва жамоатчилик биргаликда фаол иш олиб бориши мухим ахамятга эгадир. Ахир халқимизда бир болага етти махалла ота-она деб бежиз айтилмаган. Унутмайлик тарбия биз учун ё ҳаёт-ё мамот, ё нажот-ё ҳалокат, ё саодат ё фалокат масаласидир).Беғамлик лоқайдликнинг онасидир. Хар қандай фазилат хаддан ошса иллатга: тавозе-лаганбардорлик, андиша-қўрқоқлик, ибо-мутелик, уялиш-журатсизликка айланади. Ер бузилса-дехқон, бола бузилса- ота-она уялади. Яхши фазилат экиб, парвариш қилинмаса, ёмон сифатлар унади. Фарзанд кўриб қаровсиз қолдирилса, у фидойи, ватанпарвар бўлмайди, гиёхванд, жиноятчи ёки риёкор бўлади. Шундай экан бугун биз ёш авлод эртанги кун ворислари сифатида

116
жиддий эътибор қаратишимиз керак. Ёшлигидан оилада соғлом маънавий-моддй соғлом турмуш тарзини яратиб беришимиз, уларнинг имкониятларини орзу-ҳавасларини яхшилик ва эзгулик учун хизмат қилишга йўналтиришимиз керак. Эртанги кунимиз қандай бўлиши бизга, биз таълим тарбия бераётган ёшларга боғлиқ. Президентимиз айтганидек “Ватанимиз келажаги, халқимизнинг эртанги куни, мамлакатимизнинг жаҳон ҳамжамиятидаги обрў-етибори авваламбор фарзандларимизни униб, ўсиб, улғайиб, қандай инсон бўлиб ҳаётга кириб боришига боғлиқдир. Биз бундай ўткир ҳақиқатни ҳеч қачон унутмаслигимиз керак”. Юртбошимизнинг самиймий, миллат ва унинг келажагини ўйлаб айтган фикрларидан яна бирига диққат қилайлик: “Давлатимиз шиддат билан янгиланмоқда, фарзандларимиз хам кўз ўнгимизда улғайиб камол топмоқда. Биз хохласак хам, хохламасак хам, бу жараён давом этаверади. Кишини ўйлантирадиган жихати шуки, фарзандларимиз биз истаган, биз интилган, ўз олдимизга мақсад қилиб қўйган даражада ўзгаряптими? Бугун умид билан қараётган нихолларимиз эртага кутилганидек мева берадими?” Ўта жиддий савол. Агар биз ёшларимиз онги ва рухиятини захарли мафкуралардан қатъият билан химоя қилсак, хар қандай ғаразгўй кучлар мамлакат мустақиллиги ва унинг порлоқ келажагига рахна сола олмайди. Бу жамиятимиз, шу юрт, шу Ватанни муқаддас деб билган хар бир фуқаро олдида турган асосий вазифадир.

117