Микрои=тисодий статистиканинг объекти, услуби ва вазифалари

Yuk tashish statistikasida guruhlash. Yuk tashish to‘g‘risidagi statistik ma’lumotlariga bo‘lgan turli talablar, ularni ma’lum belgisi bo‘yicha, quyidagicha guruhlash zaruratini yuzaga keltiradi: bekatlararo yuklar korrespondentsiya, qiya jadval.
Bekatlararo yuk tashish korrespondentsiyasi. Bekatlararo yuk tashish korrespondentsiya(aloqa)si, yuk jo‘natish bekatlari va manzil bekatlari bo‘yicha, tuziladi. U bekatlar yuk jo‘natish aloqasini ifodalaydi.
Yuk tashish qiya jadvali - jo‘natish va manzil bekatlar bo‘yicha yuk kelish va jo‘natish bo‘yicha aloqalarni ifodalaydi.
Yuk tashish, yo‘nalish turlari bo‘yicha, to‘g‘ri va mahalliy guruhlarga bo‘linadi:
►to‘g‘ri yo‘nalish – bunda, yuk tashish ikki va undan ortiq temir yo‘lda bajariladi. To‘g‘ri yo‘nalishda yuk olib ketish, yuk keltirish, tranzit ajratiladi.
►mahalliy yo‘nalish – bunda, yuk tashish bitta temir yo‘l doirasidagi bekatlar orasida bajariladi.
Yuk olib ketish. Agar, jo‘natish bekati ushbu temir yo‘lda joylashgan bo‘lib, manzil bekat esa shu yoki boshqa temir yo‘lda bo‘lsayu, lekin tashish qo‘shni temir uchastkalarida bajarilsa, bunday yuk tashish yuk olib ketishga kiritiladi.
Yuk keltrish.. Agar, jo‘natish bekati boshqa temir yo‘lda joylashgan bo‘lib, manzil bekat esa shu temir yo‘lda bo‘lsa, bunday yuk tashish yuk keltirishga kiritiladi.
Tranzit -tashish shu temir yo‘lda bajarilgan, lekin uning yuk jo‘natish va manzil bekatlari ushbu temir yo‘l doirasidan tashqarida joylashgan.
Yo‘nalish turlari bo‘yicha tashishni guruhlash, temir yo‘ldan foydalanish ishini mahalliy yo‘nalish, yuk olib ketish, keltirish va tranzit yuk tashishlar asosida tavsiflashga imkon beradi . Yuk tashish uzoqlik masofasi bo‘yicha qisqa va uzoq masofa guruhlariga ajratiladi.