Mikrobiologiyada laboratoriya mashg’ulotlari

Quruq  preparatni  bo'yash.  Mazokni  bo'yashda  preparatni 
preparat ushlagichga o'rnatiladi. Mazokka bir necha tomchi bo'yovchi 
suyuqlik  tomiziladi.  Bo'yovchi  suyuqlik  va  tadqiqotning  maqsadiga 
qarab  bo'yash  muddati  turlicha  bo'ladi  (1-5  daq.  ayrim  hollarda  30 
daq.  va  undan  ko'p).  Preparat  bo'yalgandan  so'ng,  uni  suv  bilan 

---

 
21 
yuviladi  va  filtr  qog’oz  yordamida  suv  qoldiqlari  shimdirib  olinadi, 
havoda  quritiladi  va  mikroskop  ostida  kuzatiladi.  Bunday  quruq 
preparat  surtma  deyiladi.  Tayyorlangan  surtma  fiksasiya  qilinadi 
(qotiriladi),  ya'ni  spirt  lampasi  alangasiga  uch  marta  tutib  olinadi. 
Umuman  preparatlarni  fiksasiya  qilish  uchun  spirt  lampasi  alangasi, 
spirt bilan efir va kislota bilan formalin aralashmalari ishlatiladi. 
 Surtmani  bir  necha  daqiqa  davomida  eritmaga  solib  ham 
fiksasiya  qilish  mumkin.  Surtma  fiksasiya  qilinganda  buyum 
oynasidagi  mikroorganizmlar    o'lib,  oynaga  yopishadi  va  yaxshi 
bo'yaladi,  buning  sababi,  bo'yoq  tirik  protoplazmadan  ko'ra,  o'lik 
protoplazmaga yaxshiroq o'tadi.