Mikrobiologiya va immunologiya

Davosi  va  profilaktikasi.  Qorin  tifi  va  paratiflarni  davolash  uchun 
antibiotiklar: levomitsetin, ampitsillin, tetratsiklin, nitrofuran preparatlari beriladi. 
Profilaktikasi  umumiy  va  xususiy  yo‘nalishlarda  olib  boriladi.  Umumiy 
profilaktik  chora-tadbirlar:  bemorni  tezda  aniqlab  kasalxonaga  yotqizish,  kasallik 
o‘chog‘larini dezinfeksiyalash, bakteriya tashuvchilarini topish va ularni davolash. 
Shuningdek,  suvni  zararsizlantirish,  suv  manbalarining  ifloslanishiga  yo‘l 
qo‘ymaslik,  ovqat  maxsulotlarini  pashshalardan  ehtiyot  qilish,  oziq-ovqat 
muassasalari  va  oshxona  xodimlarini  doimiy  ravishda  bakteriologik  tekshiruvdan 
o‘tkazib turish va boshqalar o‘tkaziladi. 
Xususiy profilaktikada qorin tifiga qarshi o‘ldirilgan va kimyoviy vaksinalar 
ishlatiladi.  Epidemiologik  ko‘rsatkichlarga  ko‘ra  emlash  ishlari  olib  boriladi. 
O‘ldirilgan  vaksina  tayyorlashda  qorin  tifi  bakteriyalari  spirt  bilan  o‘ldiriladi. 
Kimyoviy  vaksina  qorin  tifi  bakteriyasining  Vi-antigenidan  tayyorlanadi,  bu 
noreaktogen  vaksina  hisoblanadi.  U  bilan  katta  kishilar  va  yosh  bolalarni  emlash 
mumkin.  
Ayrim hollarda bemor bilan muloqotda bo‘lganlarga , zararlangan suv, oziq-
ovqat  maxsulotlarini  iste’mol  qilgan  kishilarga  kasallikni  oldini  olish  uchun 
kattalarga tabletka holidagi, yosh bolalarga esa suyuq bakteriofaglar beriladi. 

---

90