Mikrobiologiya va immunologiya

Adabiyotlar:
1. Shapulatova Z.J. Mikrobiologiya fanidan ma’ruzalar matni. Samarqand, 2017 y.
2. Shapulatova Z.J. Mikrobiologiya fanidan o’quv qo’llanma (amaliy va laboratoriya mashg’ulotlari). Toshkent, 2013 y.

3. Carter. G. R darla J. Wise Essentials of Veterinary Bakteriology And Mycology Sixth Edition 2004 y.

4. кисленко В.Н., Колычев Н.М., Суворина О.С. Ветеринарная микробиология и иммунология. Часть 3, М.2007 г.
5. кисленко В.Н., Колычев Н.М., Ветеринарная микробиология и иммунология. Часть 1, Обшая микробиология. М.2006 г.
Tuzuvchilar:

Dotsent Shapulatova Z.J.

Assistent Ruzikulova U.X.


2-Mavzu: Streptokokkli infeksiyalarni laboratoriya diagnostikasi
Darsning maqsadi: Har xil yiringli-yallig’lanish jarayonlarida laboratoriyaga qanday patologik material yuborishni o’zlashtirish. Oziqa muhitlar, streptokokklar ajratish va o’stirish usullari, patogen va patogen emas streptokokklarni farqlash usullari bilan tanishish. Antibiotikka sezuvchanligini aniqlash.
Streptokokklar – Streptococcus avlodiga kiradi. 20 dan ortiq turlari bor. Ulardan quyidagi patogen turlari ko’proq uchraydi. S.agalactiae (S.mastitidis), S.equi, s.pneumoniae, str.pyogenes. Patogen emaslaridan sut kislotali streptokokklar – str.lactis, str.cremoris, str.salivaris va h.k. uchraydi. Streptokoklarning presipitasiya reaksiyasida aniqlanadigan polisaxaridli maxsus antgeni bo’yicha 17 ta guruhi bor. Hayvon va odamlar patologiyasida, birinchi beshtasi muhim ahamiyatga ega bo’lib katta harflar bilan A, B, C, D, E belgilanadi.
Streptococcaceae oilasiga 7 urug’ kiritilgan bo’lib, ulardan Streptococcus, Enterococcus, Aerococcus, Leuconostoc, Pediococcus va Lactococcus lar odam uchun patogen hisoblanadi. Ko’pincha streptokokklar va enterokokklar kasallik ko’zg’atadi, qolganlarining esa kasallik ko’zg’atishi kamdan-kam kuzatiladi.
Chidamliligi. Streptokokklar stafilokokklarga nisbatan tashqi muhitga chidamsiz, ammo past haroratda uzoq vaqt saqlanib qoladi. Streptokokklar qurigan yiring, balg’am va boshqa oqsil moddalar bilan o’ralgan holda bir necha oygacha o’z faolligini yuqotmaydi. 70°S haroratda 1 soatda, fenolning 3-5% li eritmasi ta’sirida esa 15 daqiqada o’ladi.