Adabiyotlar:
1. Shapulatova Z.J. Mikrobiologiya fanidan ma’ruzalar matni. Samarqand, 2017 y.
2. Shapulatova Z.J. Mikrobiologiya fanidan o’quv qo’llanma (amaliy va laboratoriya mashg’ulotlari). Toshkent, 2013 y.
3. Carter. G. R darla J. Wise Essentials of Veterinary Bakteriology And Mycology Sixth Edition 2004 y.
4. кисленко В.Н., Колычев Н.М., Суворина О.С. Ветеринарная микробиология и иммунология. Часть 3, М.2007 г.
5. кисленко В.Н., Колычев Н.М., Ветеринарная микробиология и иммунология. Часть 1, Обшая микробиология. М.2006 г.
Tuzuvchilar:
Dotsent Shapulatova Z.J.
Assistent Ruzikulova U.X.
9-mavzu: Patogen zamburug’larning laboratoriya diagnostikasi.
Mashg’ulotning maqsadi: Talabalarni dermatomikozlarda (trixofitiya, mikrosporiya), kandidamikoz va mog’or mikozlarda patmaterial olish qoidalari, mikologik tekshirish usullari bilan tanishtirish.
Mikozlar-patogen mikroskopik zamburug’lar qo’zg’aydigan maxsus kasalliklar guruhi. Ularga dermatomikoz, mog’orli mikoz, kandidamikoz qo’zgatuvchilari kiradi.
Dermatomikoz qo’zg’atuvchilari. Dermatomikozlarga teri va uning hosilalarini zararlash bilan kechadigan mikozlar kiradi. Qo’zg’atuvchi keratini bor to’qimalarda parazitlik qiladi. Barcha qishloq xo’jalik hayvonlari (ko’pincha yoshlari), mo’ynali va yirtqich hayvonlar, shuningdek odamlar ham kasallanadi. Dermatomikoz qo’zg’atuvchilari takomillashmagan mog’or zamburug’lariga kiradi (Deuteromycetes sinfi). Trihofiton, mikrosporon va aharion avlodlarini o’z ichiga oladi.
Trixofitiya – surunkali kasallik bo’lib, teri va junning keskin chegaralangan tamg’a shaklida zararlanishi bilan ajralib turadi. Qo’zg’atuvchisi: buzoq va qo’zilarda Tr.verrucosum, otlarda – Tr.eqvuinum, kemiruvchilarda – Tr.gupseum, parrandalarda Tr.gallinae.
Morfologik va kultural xususiyatlari. Mikroskopda zamburug’larning tanasi (miseliysi) mayda shoxlangan ipchalardan tuzilganligi va unda rangsiz yumaloq sporalarning joylashganligini ko’rish mumkin. Zararlangan jun mikroskopda ko’rilsa, zamburug’ va uning sporalari jun ichida yoki atrofida tartibli zanjirsimon joylashganligi ma’lum bo’ladi.
Trixofitiya qo’zg’atuvchisi – aerob, maxsus oziq muhitlarda yahshi o’sadi. Saburo agarida 26-28 oC da termostatda 10-20 sutka o’tgandan keyin silliq, terisimon, qatlam-qatlam, ba’zida unsimon qatlamli koloniyalar hosil bo’ladi. Koloniyalardan oziqa muhitga kuchli, chuqur shohlanish paydo bo’ladi.
Parranda trixofitiyasi (favus, parsha) – teri, patlari va ichki organlarning zararlanishi bilan xarakterlanadi. Tojida, sirg’asi, tumshug’iga yaqin joylarida kulrang-oqish qatlamlari – skutulalar paydo qiladi. Qo’zg’atuvchisi Tr.gallinae.
Diagnozi. Laboratoriyaga tekshirish uchun zararlangan epidermis va jun tolalari qirindisi sog’lom to’qima bilan chegara joyidan olinadi. Laboratoriyada mikroskopiya usulida tekshiriladi, natijasi gumonli bo’lsa patmaterialdan oziqa muhitga ekib, toza kultura ajratiladi, lyuminissentli analiz va biosinov qo’yiladi.
Qirindi 10% li ishqor (KON yoki NaOH) bilan 15-30 daqiqa ishlov beriladi. Ezilgan tomchi usulida preparat tayyorlanib mikroskopda ko’riladi. zararlangan soch ichida va tashqarisida qator bo’lib, tartibli joylashgan endosporolar ko’rinadi.
Do'stlaringiz bilan baham: |