Mikrobiologiya va immunologiya

 
Mavzu bo‘yicha vaziyatga xos masalalar 
1-masala.
Laboratoriyaga bakteriologik tekshirish uchun balg‘am keltirildi.
Tekshirishning birinchi bosqichida Sizning harakatingiz? 
2-masala.
Ichak kasalligi bilan og‘rigan bemorning najasi Endo muhitiga ekildi. 
Sof hosilani ajratib olishni qaysi bosqichi o‘tkazildi? 
3-masala.
Bir qism koloniya qiyshiq GPAga qayta ekildi. 
1. Sof hosilani ajratib olishni qaysi bosqichi o‘tkazildi? 
2. Nafas olishiga ko‘ra qanday bakteriyalar turi ajratiladi? 
4-masala.
Qiyshiq agardagi bakteriya hosilasini "ola-chipor" qatorga qayta ekildi. 
1. Sof hosilani ajratib olishning qaysi bosqichi o‘tkazildi? 
2. Bu tekshirishning maqsadi qanday? 
5-masala.
Ajratilgan hosilani sofligini aniqlashda, surtmada G+ va G- tayoqchalar 
topildi. 
1. Sof hosila haqida sizning xulosangiz? 
2. Vaziyatni to‘g‘rilash uchun, sizning keyingi harakatingiz? 
6-masala.
Bakteriyalar sof hosilasini mannitli muhitga ekkanimizda muhitning 
rangi o‘zgarib, po‘kakda gaz to‘plandi. Sizning xulosangiz? 
7-masala.
Bakteriyalar sof hosilasini saxarozali Giss muhitiga ekkanimizda, faqat 
muhit loyqalanishi kuzatildi. Sizning xulosangiz? 

---

35 
8-masala.
Bakteriyalar sof hosilasini GPBga ekkanimizda, shovil kislotasida 
namlangan indikator qog‘oz o‘zgarmadi, atsetat qo‘rg‘oshinli suyuqlikda 
namlangan indikator qog‘oz qoraydi. 
1. Sizning xulosangiz? 
2. Qanday belgi vodorod sulfit hosil bo‘lganligini ko‘rsatadi? 
3. Agar indol hosil bo‘lganda, shovil kislotali indikator qog‘oz qanday o‘zgargan 
bo‘lar edi? 
9-masala.
Bakteriyalar hosilasini jelatin agarli ustunchaga sanchib ekkanimizda, 
jelatinni suyulishi kuzatilmadi. Sizning xulosangiz? 
10-masala.
Laboratoriyaga anaerob gazli infeksiyaga shubha qilinayotgan 
bemordan olingan jarohat ajralmasi keltirildi. 
1. Anaeroblar sof hosilasini ajratishning 1-bosqichida siz qanday muhitdan 
foydalanasiz? Tushuntirib bering. 
11-masala.
Jarohat ajratmasini Kitta-Tarotssi muhitiga ekish natijasini 
o‘rganishda, oziqli muhitning loyqalanishi aniqlandi. 
1. Oziqli muhitda nafas olish turiga ko‘ra qanday bakteriyalar o‘sgan? 
2.Bu bakteriyalar sof hosilasini ajratishda, sizning keyingi harakatingiz? 
12-masala.
Ajratilgan anaeroblar sof hosilasini sofligini mikroskopik yo‘l bilan 
tekshirishni hohlaysiz. 
1. Taqdim etilgan qaysi bo‘yash usulini qo‘llaysiz (metil ko‘ki, Ojeshko,Gram)? 
2. Nima uchun siz Ojeshko usulini tanlamadingiz? 
3. Nima uchun siz metil ko‘kini tanlamadingiz?