Микробиология ва иммунология амалий машғулотлар режаси

Бактерияларни озикланиш типлари:
Бактерияларнинг озиқланиш типлари углерод билан азотни хазм қилиш характерига қараб белгиланади. Углеродни хазм қилинишига қараб:
1. Аутотрофлар(грекча autos - ўзим, trophe - озикланиш). Автотроф бактериялар углерод манбаи қилиб СО₂ дан фойдаланади ва улар оддий моддалардан мураккаб бирикмалар синтезлаб олади. Улар ўзларининг усиши учун NaCl, FeCl₂, MgSO₄, (NH₄)2SO₄ ларни озик мухитга қилишини талаб килади.
2.Гетеротрофлар- (грекча heteros -бошқа, trophe - озиқланиш). Углерод манбаи килиб хар хил, углерод тутувчи бирикмалар — гексозалар (глюкоза) кўп атомли спиртлар, аминокислоталар, органик кислоталар қўллайди.
3. Ауксотрофлар.Ўзларининг ривожланиши учун ўсиш факторлари тaлa6 қилувчи бактериялардир. Бундай бактериялар ўзларининг ўсиши учун керакли бўлган компонентларни ўзлари синтезлай олмайдилар.
Маълум бир ўсиш факторига мухтож бўлмаган бактерияларпрототрофлар дейилади. Прототрофлар ўзига керакли бўлган органик бирикмаларни (углеводлар, аминокислоталар ва бошқалар) глюкоза ва аммон тузларидан синтезлай олади.
Гетеротрофлар 2 группага бўлинади:

1. 
   Сапрофитлар (метатрофлар)
   
2. 
   Паразитлар (паратрофлар)
   

Сапрофитлар (грекча sapros - чириган phyton - ўсимлик) - тайёр органик бирикмаларни ўлик организмдан олади (чиритиш бактериялари).
Паразитлар. Одам, хайвон ва ўсимлик тирик хужайрасининг органик - моддалари
хисобига яшайди ва кўпаяди. Масалан, вируслар, риккетсиялар.
Азот хазм килишига караб микроорганизмлар 2 гурухга бўлинади:

1. 
   Аминоавтотрофлар
   
2. 
   Аминогетеротрофлар,
   

Аминоавтотрофлар - хужайра оқсилининг синтези учун хаводаги молекляр азотдан фойдаланади ёки аммоний тузларидан олади.
Аминогетеротрофлар - азотни органик бирикмалардан: аминокислоталардан, мураккаб оқсиллардан олади.