Microsoft Word +web texnologiya doc

L E K TS I YA T E K S T L E R I

toplami

M A Z M U N I

Kirisiw

1. 
   Lektsiya-1. Internettin’ WWWxizmeti.
   
2. 
   Lektsiya-2. Web-betlerdijaratiw qag’iydalari.
   
   1. 
      Web-betlerge qoyilatug’in talaplar
      
3. 
   Lektsiya-3. Saytti jobalastmwdin’ tiykarg’i basqishlari
   
   1. 
      Web-sayttin’ logikaliq strukturasi
      
   2. 
      Web-sayttin’ fizikaliq strukturasi
      
4. 
   Lektsiya-4. HTML tilinde Web xujjet jaratiw
   
5. 
   Lektsiya-5. Macromedia Dreamweaverprogrammasi ja’rdeminde Web saytjaratiw ha’m oni basqariw
   
6. 
   Lektsiya-6. Dreamweaverprogrammasinda web xujjetke grafikaliq obekt qoyiw
   
7. 
   Lektsiya-7. Dreamweaver programmasinda dinamikaliq obektler jaratiw
   
8. 
   Lektsiya-8. Web betti Internette ja’riyalaw
   
9. 
   Lektsiya-9. Adobe Photoshop programmasinda grafikaliq obektler jaratiw
   
10. 
    Lektsiya-10. Macromedia Flash programmasinda animatsiyaliq obektler jaratiw A’debiyatlar ha’m Internet resurslari
    

KIRISIW

Web texnologiyalar pa’ninin’ tiykarg’i maqseti - bul Web sayt jaratiw, oni Internette ja’riyalaw ha’m basqariw jollarin u’yretiw.

Bul tu’siniklerge aniqliq kiriteyik.

Kompyuterlerdegi mag’liwmatlardan, programmalar, texnikaliq qurilmalardan birgelikte paydalaniw ushin kompyuterler tarmaqlarg’a birlestiriledi. Kompyuter tarmaqlari 3 tu’rde boladi: lokal, regionliq ha’m global tarmaqlar. Lokal tarmaq jaqin araliqta jaylasqan (500 metr aralig’inda, bir xana yaki binadag’i kompyuterler), regionliq tarmaq - bir oblast ishindegi qalalar, rayonlarda jaylasqan kompyuterlerdi, al global tarmaq dunya ju’zinin’ ha’r qiyli ma’mleketlerinde, kontinentlerinde jaylasqan kompyuterlerdi bir-biri menen baylanistiradi.

Internet - bul birden-bir standart formada xizmet ko’rsetiwshi jer ju’zlik global kompyuter tarmag’i bolip esaplanadi. Onin’ ati «tarmaqlararaliq» degen ma’nisti an’latadi. Internet tarmag’inin’ tiykarg’i yacheykalari - bul jeke kompyuterler ha’m olardi o’z-ara baylanistiriwshi lokal tarmaqlar. Internet xizmetleri internet provayderleri ja’rdeminde baylanis kanallari sipatinda telefon tarmag’i, kabelli kanallar, radio ha’m kosmosliq baylanis sistemalarinan paydalaniw mu’mkin.

Internet arqali ha’r qiyli informatsiya, kerekli mag’liwmatlar aliw mu’mkin, jan’aliqlar menen tanisiw, elektron pochta xizmetinen paydalaniw, reklama jaylastiriw arqali sawda-satiq menen shug’illaniw, virtual kitapxanalardan paydalaniw, tanisiw, forum, videokonferentsiyalarda qatnasiw mu’mkin.

Internet xizmetlerinin’ ishinde en’ ken’ tarqalg’ani - bul WWW xizmeti.

Lektsiya-1

INTERNETTIN’ WWW MZMITI-

Joba:

1. 
   Kompyuter tramag’i. Internet.
   
2. 
   Web-betlikjratiwdaprogrammaliq ta’miynleniwge qoyilatug’in talaplar.
   
3. 
   Web-betlikti jaratiw etaplari.
   

Tayanish tu’sinikler: WWW, server, klient, Web-betlik, HTTP, Gipertekst,

WWW, 3W yaki Web degenimiz ne? World Wide Web - Vsemirnaya pautina, bizin’ tilde «dunya ju’zlik tor» degendi an’latadi.

WWW - bul gipertekst tiykarindag’i multimedialiq bo’listirilgen informatsiyaliq sistema. Bul tu’siniklerge aniqliq kiriteyik.

Bo’listirilgen mag’liwmatlar sistemasi: mag’liwmat ju’de ko’p WWW-serverlerde (servers) saqlanadi. Server - bul arnawli programmalar jazilg’an ha’m Internet tarmag’ina jalg’ang’an kompyuter. Tarmaq paydalaniwshilari bul mag’liwmatlardi WWW-dokumentlerdi ko’riw mu’mkinshiligin beretug’in klient dep ataliwshi arnawli programmalar ja’rdeminde aladi. Onin’ ushin bul programma tarmaq arqali serverge zapros (talapnama) jiberedi. Bul talapqa juwap retinde server sol mag’liwmat saqlanip turg’an fayldi jiberedi yaki bul talapti orinlay alalmag’anlig’in bildiredi. Klient ha’m serverdin’ birge islesiwi protokol dep ataliwshi belgili bir qag’iydalar arqali a’melge asiriladi. WWW da qabillang’an protokol HyperText Transfer Protocol (gipertekst jiberiw protokoli), qisqasha http dep ataladi.