Microsoft Word tushda kechgan umrlar ziyouz co doc

Ноябрнинг охири 
Бугун мен учун байрам бўлди. Бир йўла учта хат олдим. Акам уй ичилар тинчлигини, 
дадамдан асло хавотир олмаслигимни тайинлабди. Шаҳноза бўлса, ғалати гап айтибди: 
«Суратингиз жуда чиройли чиқибди... Пскентда Дилянинг холаси бор экан. Янги йил арафасида 
бориб келамиз, деб қўймаяпти. Майлими борсам?» 
Учинчи хат устига «Жалилов Турсунбойдан» деб ёзилган экан. Ҳайрон бўлдим. Қайси 
Турсунбой бўлди бу? Э-ҳа! Мендан уч йил оддин мактабни битирган Турсунбой ака-ку! 
Айтмоқчи, у ҳам Афгонистонда эди шекилли? Бундан чиқди, соғ-саломат қайтибди-да. 
Хайрият! 
Турсунбой аканинг хати оғир таассурот қолдирди. 

---

Тушда кечган умрлар (роман). Ўткир Ҳошимов 
www.ziyouz.com kutubxonasi 
49
«Жон укам, сенинг олдингда гуноҳкорман, - деб ёзибди у. — «У ёқда» хизмат 
қилаётганингни акангдан эшитган эдим. Холамлардан хабар олай деб кирибман-да, 
кўнгилларини кўтараман, деб қовун туширибман. «Хола, хафа бўлманг, ҳозир Афғонистон 
тинчиб қолди, мана, ўзим ҳам хизмат қилиб келдим-ку, ҳеч кўнглингизни бузманг, эрта-индин 
Рустамжон ҳам келиб қолади», дебман. Уйга келсам, онам қаттиқ койидилар. Эсинг борми, 
аҳмоқ, холанг Рустамжоним Мўғулистонда хизмат қиляпти, деб юрибдилар-ку, дедилар. Қайтиб 
чиқдим. Бир нарса ҳеч хаёлимдан кетмаяпти, жон ука... Ҳамон ўзимни гуноҳкор сезаман... 
Чиқсам, холам дарвоза олдида турибдилар. Офтоб ботаётган эди. Холам қиблага қараб узоқ 
илтижо қиддилар... Рости, олдиларига боришга юзим чидамади. Рустам! Укажон! Холамларга 
кўпроқ хат ёз. Ўзимнинг бошимдан ўтган, биламан-ку! Мен уйингдагилардан тез-тез хабар олиб 
тураман... Яна бир гап, ука! Худо хохдаса, эсон-омон қайтиб келсанг, тўйингда куёвжўра 
бўлмаган номард!» 
Декабрь ойининг боши 
Дадам яна тушимга кирди. Тоғли йўлдан «Нива» ҳайдаб бораётган эмишман. Бир қарасам, 
ўзимизнинг Тошкент — Қўқон йўлига ўхшайди, бир қарасам, Афғонистонга... Дадам ясан-тусан 
қилиб олганмиш. Бошида янги дўппи... Эгнида қора костюм. Фақат оёғида доим кийиб 
юрадиган, оқариб кетган жигарранг этиги. Гаплашдикми, йўқми, эслолмайман. Бир маҳал 
осмонда вишиллаган овоз эшитилди. «Дада,! Снаряд! Снаряд!» — дебман бақириб. Шундоқ 
машина ёнида снаряд портлабди. Дадам машина эшигидан отилиб кетибди. Қарасам, тошлар 
орасида йиқилиб ётибди. «Кетавер, ўғлим, кетавер», — дермиш қўл силтаб. «У ёқда духлар бор, 
дада», десам, нуқул қўл силкитармиш. «Кет, болам, сен кетавер!» дермиш. 
Чўчиб уйғониб кетдим... Акамга хат ёздим: «Дадам нега ёзмайдилар? Нима бўлди? Ўз 
қўллари билан хат ёзсинлар!»