Microsoft Word Tursunboyev S. O'zbek teatri tarixi. Majmua

 
 
«BOY ILA XIZMATCHI» 

---

 
(Ikkinchi pardadan parcha)
 
 
G’ o f i r (
zaharxanda qilib
). Qozi pochcha, sarupolar muborak. 
Q o z i. Qulluq, o’g’lim, qulluq! 
G’ o f i r  (
qoziga
).  Lekin  boy  bu  choponni  katta  otasi  o’lganda  tobutiga  yopgan  edi, 
endi sizning ustingizga yopibdida 
Q o z i (
asabiy
). Nimalar deydi beadab! 
G’ o f i r. Sarupo qulluq bo’lsin, domla imom? 
I m o m (
o’ng’aysizlanib
). Qulluq, qulluq, G’ofirjon! 
G’ o f i r. Ellikboshi, paranjingiz muborak! 
H a s a n. Paranji emas! Chopon bu, jinni bo’lganmi? 
G’ o f i r. Axir dallol deganda paranji bo’ladi-da, choponni yigit kishi kiyadi! 
X o l m a t (
o’zicha
). Balli, azamat, bopla! 
H a s a n. Tilingni tiy, ahmoq! Bilasanmi kimlar bilan gaplashyapsan!  
G’ o f i r.  Bilaman,  biringiz  qozi,  biringiz  domla,  biringiz  amaldor,  biz  bo’lsak, 
devorning kovagida yotgan bir g’arib. 
Q o z i.  Siz  aralashmay  turing,  ellikboshi,  johilsiz.  To’mtoq  gapirib  ishning 
pachavasini chiqardingiz! G’ofir o’tir o’g’lim, o’tir! 
G’ o f i r. Eshitaveraman! 
I m o m. Biz sening foydangni gapiramiz! 
G’ o f i r. Eski og’iz, yangi gap! 
Q o z i. Eshitasanmi, yo’qmi? 
G’ o f i r.  Gapiring,  bu  quloqlar  dunyodagi  bor  haqoratlarga,  bor  qarg’ishlarga 
o’rgangan, gapiravering! 
Q o z i.  Yana  o’sha  gap.  Sen  bir  kambag’al  musulmonsan,  o’z  joningga  jabr  qilma, 
sartopo  falakatlarga  duchor  bo’lma,  deymiz.  Axir  shu  boy  otang  tufaylidan  ro’shnolik 
ko’rding.  Endi  sening  vazifang  shu  boyning  har  bir  amr-u  farmonlariga  shikastlik  bilan 
qoyim  turmoq!  Quloq  qoqmoq!  Boyni  hurmat  qil!  Men  ham  bir  kibriyo  nazar  eshonman. 
Mening gapimni qaytarma! Xullas so’z, boy sening xotiningni yaxshi ko’rib qopti. 
G’ o f i r. Agarda boyda muhabbat paydo bo’lgan bo’lsa, boy chin odam ekan. 
X o l m a t (
o’zicha
). Voy hom kalla-ey, sen hali uni hayvon deb yurgan edingmi? 
Q o z i. Gap shuki, boy ishq-muhabbat yo’lida halok bo’lishi mumkin. 
G’ o f i r. Pul-mol yo’lida halok bo’lgandan ko’ra, ishq-muhabbat yo’lida qalok bo’lish 
kishiga katta baxt! 
I m o m. Boyga rahming kelmaydimi? 
G’ o f i r (
qizib
). Maqsad nima, maqsad?!! 
Q o z i.  Axir  sen,  xotiningni  boychalik  yaxshi  ko’rmaysan,  Senga  nomi  xotin  bo’lsa 
bo’ldi-da. 
G’ o f i r (
qaynab
). Maqsad!!! 
Q o z i. Maqsad, xotiningni qo’y, deymiz. 
X o l m a t (
o’zicha
). Mana qo’y, deb tumshug’iga solmaysanmi, siynitalogni! 
G’ o f i r.  Qozi  domla!  Shu  so’zlarim  qulog’ingizga  o’qdek  quyilib,  qo’rg’oshindek 
o’rnashsin! Xotinimning ixtiyori o’zida! Boyga tegmoqchi ekan tegaveradi! Lekin mendan 
nima  istaysiz,  mendan?  Meni  nega  qiynaysiz?  Nechun  o’rtangan,  lag’cha  cho’g’  bo’lib 

---

yongan  yuragimni tirnaysiz?!  Bu qo’lansa qorinlaringizni  yorsa, shu qovoq kallalaringizni 
kovlasa, bu go’rday qorong’i yuraklaringizni chiroq yoqib qidirsa, ishq-muhabbatdan qilcha 
nishon  topilmaydi-yu,  yana  sizlar  ishq  muhabbat  deb  lop-qop  urasiz!  Fatvolar  yasaysiz! 
Shumi insof, shumi kambag’alga shafqat? 
D o m l a. Boy bermasa, ochingdan o’lasan! 
G’ o f i r.  Ochlikdan  sillam  qurib,  iligim  puchaygan  chog’imda  ham  sizlarga 
yalinmayman!  Axir,  bu  ko’zlardan  oqqan  jigar  qonlari,  beva-bechora,  yetim-yesirlarning 
ohu  zorlari  ko’nglingizni  yumshatmaydimi?  Qachongacha  kimxob  choponlar,  yog’lik 
palovlar  uchun  boylarga  zulm  pichog’ini  qayrab  berasiz!  Axir,  bu  duolar,  rivoyatlar 
niqobiga  yashiringan  zulmdan,  jafolardan  biz  sho’ring  qurg’urlar  kimga  dod  deymiz? 
Kimga?  Bu  g’urbatxonada  notavon  yig’laganlarning,  afsus-nadomat  chekkanlarning,  dodu 
faryodini kim tinglaydi, kim?! Gapiring shariat peshvolari!!! 
Q o z i. Shariatga til tegizma! 
I m o m.  Taqsir,  shariatgagina  emas,  bu  gapning  tagi  poshsholikka  ham  borib  yetadi! 
Kulli shay’in yarjiu illa aslihiy. 
Q o z i. Ayni hikmat so’zlaysiz! (