Microsoft Word Tursunboyev S. O'zbek teatri tarixi. Majmua

 
Zaynab Sadriyeva,
 «Shukrona». Marva 
Jaloliddinova yozib olgan. «Guliston» 
jurnali, 1979-yil, 8-son. 
 
MARIYA KUZNETSOVA HOJI ONA ROLIDA 
 
Hoji  ona  —  Kuznetsova  sahnaga  birinchi  bor  kirib  kelishidayoq  biz  uni  boy 
xonadonida  dahshatli  kuch  ekanini  his  etamiz.  Sahna  ortida  Hoji  onaning  dag’al, 
erkaknamo  ovozi  eshitiladi.  Uning  tovushini  eshitgan  oila  a’zolari  tashvish  va  qo’rquv 
ichida  sarosimaga  tushib  qoladilar.  Sahnada  boshida  tugun  —  dasturxon,  qo’lida  aso, 
qarashlari  sovuq  va  dahshatli  shariat  peshvosi  Hoji  onaning  ulkan,  vazmin  gavdasi  paydo 
bo’ladi...  Sahna  chuqur  sukunatda.  Faqat  Hoji  onaning  do’rillagan  tovushigina  yangraydi. 
Hamma  hayajon  va  qo’rquv  ichida  tikiladi:  Hoji  ona  o’zi  yo’qligida  kim  nima  ish 
qilganligini,  buyurgan  ishlarining  natijalarini  surishtiradi-da,  odatdagidek  norozi  bo’ladi: 
«Nega  hammang  ish  qilmay,  bekor  o’tiribsanlar?  Sulaymon  o’lib,  devlar  qutilibdi-da? 
Maston! Chiqargan paxtalaringni, chuvilgan g’o’zalaringni ko’rsat! Rahima, sen juvarlarni 
tuyib  qo’ydingmi?  G’ofir  o’lgur  qani?  Nimaga  haligacha  qoplar  bo’shatilmabdi?  O’tinlar 
yorilmabdi?»...  Ana  shu  kartinadanoq  Kuznetsova  Hoji  onaning  zolimligini,  atrofidagilar 
ustidan bo’lgan hukmini ochib beradi.  
 
Teshaboy Bayandiyev
, san’atshunoslik fanlari doktori 
«Mariya Kuznetsova», «Toshkent». Badiiy adabiyot 
nashriyoti, 1965-yil, 42—43-betlar