Microsoft Word Tursunboyev S. O'zbek teatri tarixi. Majmua

SORA ESHONTO’RAYEVA JAMILA 
ROLI HAQIDA 
— ...«Boy  ila  xizmatchi»  biz  aktyorlar  uchun  katta  maktab  rolini  o’ynaydi.  Ayniqsa, 
sevikli aktyorimiz Obid Jalilov Solihboy rolini juda yaxshi o’ynardi. Obid aka o’sha og’ir 
hayotni  ko’rgani  uchun  ham  yaxshi  o’ynardi.  Boyni  har  tomonlama  ko’p  qirrali  obraz 
darajasiga yetkazgan edi. G’ofir rolini birinchi  marta Abror akam o’ynaganlar, keyinchalik 
Shukur  Burhonov.  Ana  shu  partnyorlarning  mahorati,  o’ziga  talabchanligi  Jamilaning 
yaxshi chiqishiga yordam bergan, degim keladi. 
— Sora opa, siz Jamilani 26 yil davomida deyarli besh yuz marta ijro etgan bo’lsangiz, 
har  gal  tomoshabinni  yig’latgansiz.  Bu  rolni  o’ynaganingizda  o’zingiz  ham 
yig’larmidingiz? 
— Bo’lmasam-chi,  yig’lab-yig’lab  ho’ng  bo’lardim.  Jamilani  o’ynagan  kunim  alla 
vaqtgacha  o’zimga  kelolmay  xo’rsinib-xo’rsinib  qo’yardim.  Menga  Jamilaning  toza  qalbi, 
chin  muhabbati,  sadoqati  yoqardi.  Va  men  uning  shu  xislatlarini  xuddi  o’zimnikiday 
ifodalashga  urinardim.  Axir,  o’zingiz  o’ylang,  mol-mulki  oshib-toshib  yotgan,  qo’sha-
qo’sha  xotinlari  bo’lgan  boy  bir  kambag’al  bechoraning  —  endi  kun  ko’ra  boshlagan 
xizmatkorining xotinini zo’rlik bilan tortib olsa-ya! Bunday adolatsizlikdan faryod qilmay, 
o’rtanmay bo’ladimi?! Bechora Jamila o’z yoriga vafo qilish uchun o’limdan boshqa chora 
topolmaydi.  Osmon  yiroq,  yer  qattiq.  Uning  ohi-zorini  eshitadigan  kimsa  yo’q.  G’ofirjon 
esa uzoq Sibir surgunida... 
Men mana shu savdolar xuddi o’z boshimga tushgandek — yonib o’ynardim. Jamilaga 
achinardim.  Jamilaga  hamdardlik  qilardim.  Jamilaning  nomidan  o’sha  nohaqliklarga  ming 
la’natlar o’qirdim. Ha, Jamilaning kiyimlarini kiyishim bilan yuragim oh chekib, o’rtanarli 
larzaga kelardi. 
 
San’at Mahmudova,
 «Bir yurakning yuz jasorati». 
G’afur G’ulom nomidagi Adabiyot va 
san’at nashriyoti, 1989-yil, 62-bet.