Microsoft Word Tursunboyev S. O'zbek teatri tarixi. Majmua

 
Bo’rig’aki, qo’y bo’g’mog’i peshadir, 
Cho’bon mehnatidan ne andishadir. 
 
Shahzodam,  zamona  nosozlig’i,  hukmdorlar  nopoklig’i  dunyoni  tutgan  bir  zamonki, 
bundan  qutulmoqning  iloji  hech...  Lekin  500  yil  avval  «Nasihatnomai  Kaykovus»da: 
«Noumidlik vaqtinda yaxshilikka umidvor bo’l!» — deb bitilgan. O’g’lim, oyning o’n beshi 
qorong’u bo’lsa, o’n beshi yorug’dir. 
B o b u r.  Yoshi  ulug’imiz  Shirim  tog’oyimning  ham  kayfiyatlari  noxushroq. 
Toshkandga qaytaman deb og’iz solyaptilar. 
Q u t l u g’  N i g o r. Tog’oyingiz sarosar yurishlardan ancha toliqqan. Keksalik. Men 
qolmoqlikni  ayturman.  Endi  qismatingizga  kelsak,  20  faslga  qadam  qo’ydingiz.  Ko’p 
tushkun  bo’lmang.  Baxt  kimga  avvali,  kimga  oxiri.  Esingizdami,  bolaligingizda  ulkan 
charxpalak yasab, Asxi tepaligida suv chiqazib, bog’-rog’ qilurman deganingiz. 
B o b u r.  Oh,  onajonim  yoshlik  orzularim  behisob  erdi,  Andijonda  ham 
Samarqanddagidek  qasrlar  qurdirmoqchi  edim.  Dunyo  karvonlari  Andijonga  kelishini 
istardim.  Andijon  yo’llari  olam  yo’llari  bilan  beg’araz  qo’shilishini  niyat  qilardim.  Orzu-
istaklarim  kosasini  Ahmad  Tanbaldek  surbet,  Shayboniydek  g’animlar  chil-chil  sindiradi 
deb  xayol  qilmog’on  edim.  Endi  bormoqqa  ne  maskan  muyassar,  turmoqqa  ne  davlat 
muqarrar. 
Keliningiz  Oysha  Sultonbegim  ham  sendan  nima  ko’rdim  quvg’indi  Mirzo  deb  yuz 
o’girib, egachisi bilan Toshkandda qolib ketdi. 
Q u t l u g’   N i g o r.  O’zi  pishmagan  osh  edi-da.  Otangizni  ra’yini  qaytarolmay 
yoshligingizda  «beshik  kerti»  qilib  qo’ygan  edik.  Yurak  o’z  hukmini  o’tkazdi.  Muhabbat 
dilda bo’lmog’ini yana bir karra oshkor qildi. O’zingiz ham unga rag’bat qilmadingiz. 
B o b u r. Ha, o’zimni ko’p ko’nmakka majbur qildim, lekin...