Microsoft Word Tursunboyev S. O'zbek teatri tarixi. Majmua

 
Hurinisa xaltani tortib oladi. Xaltadan toshlar to’kiladi. 
 
M o’ m i n. Tosh, tosh? (
xushidan ketib yiqiladi
.) 
N o d i r. Suv, suv olib kelinglar. 
H u r i n i s a. Voy-dod arslonimdan ayrilib qoldim. 
 
Erkin Vohidov
 Saylanma, birinchi jild. 
«Sharq» nashriyoti, 2000-yil. 

---

HAYDAR MUHAMMAD 
(1936)
 
 
Shoir  va  dramaturg  Haydar  Muhammad  1936-yilning  1-aprelida  Toshkentning 
Yangiariq mavzesida xizmatchi oilasida tavallud topgan. O’rta maktabni bitirgach, Nizomiy 
nomidagi  Toshkent  Davlat  pedagogika  institutining  til  va  adabiyot  fakultetida  (1960—
1965-yillar) tahsil ko’radi. O’zbekiston radiosida muharrir (1965—1976-yillar), Respublika 
madaniyat  ishlari  vazirligi  repertuar  tahririyatida  (1976—1980-yillar)  mas’ul  vazifalarda 
ishlagan. 
1984—2003-yillari  davomida  O’zbek  Davlat  Milliy  akademik  drama  teatrida  adabiy 
bo’lim mudiri sifatida xizmat qilib keldi. 
Haydar  Muhammad  Respublika  radiosida  «Tabassum»,  «Radio  teatr»  ruknlarini 
tashkil etishda qatnashib, o’nlab hajviy hikoyalari yaratilgach, dramaturgiyaga kirib kelgan. 
Uning  «Toshkentning  nozanin  malikasi»  deb  atalgan  birinchi  pyesasi  1978-yili 
Muqimiy  nomli  musiqali  teatrda  sahnaga  qo’yilgan.  Shu  o’tgan  yillar  davomida  H. 
Muhammadning  26  ta  bir  va  ko’p  pardali  pyesalari  sahna  yuzini  ko’rdi.  Milliy  akademik 
teatrda  «Xotinlar  gapidan  chiqqan  hangoma»  (1990),  «Sab’ai  sayyor»  (1991),  «Jinoyat 
ustida  ushlansin»  (1995),  «Sehrli  tanbur»  (2001),  Muqimiy  nomli  musiqali  teatrda 
«Kuyovlar konkursi» (R. Azizxo’jayev hamkorligida, 1990), «Har kimki vafo qilsa» (1994) 
kabi asarlari sahnalashtirildi. O’nta pyesasi, «Ipak gilamlar», «Hazilkash shoh» to’plamlari 
nashr  etilgan.  Bir  qator  asarlari  badiiy  va  telefilmlar  («Temir  erkak»,  «Xotinlar  gapidan 
chiqqan hangoma») uchun asos bo’lib xizmat qildi. 
Haydar  Muhammad  tarjimasida  ozorbayjon  dramaturgi  Anorning  «Zanjir  yoki 
qiyofalar»  («Muqimiy»  teatri),  turkman  dramaturgi  X. Muxtorning  «Nevarali  kelin» 
(Samarqand  teatri),  boshqird  dramaturgi  Farid  Bagdanovning  «Tungi  mehmon»  (Milliy 
akademik teatr) pyesalari sahna yuzini ko’rgan.