Microsoft Word Tursunboyev S. O'zbek teatri tarixi. Majmua

 
Bahodir G’ulomov. 
«Loqaydlik balosi», 
«O’zbekiston madaniyati» gazetasi, 1971-yil, 12-oktabr. 
 
SHOGIRD USTOZ HAQIDA 
 
O’zbekistonning  ozodligini  orzu  qilgan  va  shu  yo’lda  qatag’onga  uchrab  qamalib 
chiqqan,  qamoqdan  keyin  ham  ozodlik  yo’lida  tinmay  kurashgan  ustoz  Shukrullo  ozodlik 
arafasida  chindan  ham  milliy  qahramonga  aylandi.  Bu  yo’lda  tinmay  kurashdi  va 
kurashayotganlarning  boshini  siladi.  Turli  yig’inlarda  qatnashib,  ozodlik  haqida  otashin 
nutqlar ham so’zladi. Bizni ham mana shu his-tuyg’u birlashtiradi, desam yanglishmayman. 
Esni  tanib,  oq-qoraning  farqiga  bora  boshlagan  lahzalaringdan  e’tiboran  orzu-armoning 
birgina  ozodlikni  ko’rish  bo’lib  qoladi.  Bu  yo’lda  bir  emas,  bir  necha  bor  men  ham 
qatag’onga  uchradim. Millatchi deb  ishlardan  haydaldim.  Shukrullo aka  goh oshkora, goh 
pinhona og’ir damlarda boshimni silardi. 
Shukrullo akaning uyiga qadam qo’ygan kezlarim, albatta, biror mehmonning ustidan 
chiqaman.  Mehmonlar  O’zbekistonning  turli  yerlaridan  kelishadi.  Turli  yumush  — 
iltimoslar bilan. Ustoz ham erinmay, zarur yerga kirib, mehmonlarning yumushlarini bitirib 
beradi. Qancha yordam bo’lsa, u zot faqat beminnat qiladilar. 
Ustoz  Shukrulloning  bir  paytlar  «Javohirlar  sandig’i»  asarini  tashnalik  bilan 
o’qiganman.  Shuningdek,  she’rlarini  hozir  ham  havas  bilan  o’qiyman.  Keyinchalik 
«Kafansiz ko’milganlar» asarini o’qib chiqqanimdan keyin bir necha kun iztiroblar orasida 
bo’g’ilib  qolib,  ovqat  emay  qo’yganman.  «Kafansiz  ko’milganlar»  juda  katta  qalbning 

---

cheksiz iztiroblari, qayg’u-hasratlari, dard-u alamlari samarasi edi va bu haqda o’sha kezlar 
katta maqola ham yozganman.