Microsoft Word Tursunboyev S. O'zbek teatri tarixi. Majmua

 
Chiroq o’chib biroz pauzadan keyin yonadi. 
 
Said Ahmad
. Tanlangan asarlar. 2-tom. «Sharq» 
nashriyoti matbaa konserni. 200-y. 
 
 
 
 
 
 
SHUKRULLO 
(1921)
 
 

---

Taniqli  shoir  va  dramaturg  Shukrullo  (Shukrullo  Yusupov)  Toshkentda  tug’ilgan. 
Toshkent  pedagogika  bilim  yurtida,  Nizomiy  nomidagi  Toshkent  Davlat  pedagogika 
institutida tahsil ko’rgan, Toshkent davlat universiteti qoshidagi aspiranturada o’qigan. Bir 
muddat  maktabda  o’qituvchilik  qilib,  so’ng  turli  gazeta  va  jurnallarda,  badiiy  adabiyot 
nashriyotida ishlagan. 
Shukrullo dramaturgiyaga «Xatarli yo’l» pyesasi bilan kirib keldi. Ushbu pyesa 1964-
yili  rejissor  Sh. Qayumov  tomonidan  Hamza  nomidagi  O’zbek  Davlat  akademik  teatrida 
sahnaga qo’yilgan. Akademik teatrda uning yana «Tabassum o’g’rilari» (1971-yil. rejissor 
X. Appanov),  «O’g’rini  qaroqchi  urdi»  (1985-yil.  rejissor  R. Hamidov)  pyesalari  sahna 
yuzini ko’radi. 1999-yili Muqimiy nomidagi O’zbek Davlat musiqali teatri uning «To’ydan 
keyin tomosha» (rejissor N. Otaboyev) komediyasini sahnalashtiradi. 
Shukrullo  tarjimachilik  sohasida  ham  samarali  ijod  qilgan.  Xususan,  K. Gossining 
«Baxtsiz gadolar» pyesasi uning tarjimasida qator teatrlar repertuaridan o’rin oldi. Oltmish 
yoshga  to’lishi  munosabati  bilan  1981-yili  Shukrulloga  O’zbekiston  xalq  shoiri  unvoni 
berildi.  Shoirning  «Kafansiz  ko’milganlar»  asari  Alisher  Navoiy  nomidagi  Davlat 
mukofotiga sazovor bo’ldi.