Microsoft Word Tursunboyev S. O'zbek teatri tarixi. Majmua

SHUKUR BURXONOV USTOZI HAQIDA 
 
  …Ko’pgina  spektakllarda  Abror  akaga  dublyor  sifatida  ishtirok  etmaganman. 
Shulardan  biri  Umarjon  Ismoilovning  “Rustam”  asari  edi.  Bu  spektaklda  Rustamni  ustoz 
bilan  bir  ajoyib  ijodiy  vaziyatda  o’ynaganmiz.men  bir  rolni  Abror  Hidoyatov  bilan 
o’ynashga  erishganimdan  mamnun  edim.  O’sha  spektakldan  keyin  qattiqqo’l  ustoz  meni 
chaqirib,  birinchi  bor  qutladi:  “Balli,  uka”  degan  so’zlari  meni  ruhan  yuksaltirdi.  Abror 
akaning  bu  muomalasidan  keyin  rollarimga  yanada  ishonch  va  mas`uliyat  bilan 
yondoshadigan bo’ldim. 
  Abror  aka  Rustam  obrazini  ajoyib  tarzda  yaratgan.  U  obraz  xarakteridagi  dramatik 
asosdan  kelib  chiqqan  holda,  xalq  qasoskorining  bo’rtma,  yorqin  obrazini  gavdalantiradi. 
Uning Rustamni haqqoniy qasoskor, o’ziga o’xshash kambag’allarga qo’shilib revolyusion 
kurashning  aktiv  qatnashchisiga  aylangan  romantik  tip  edi.  Bu  obrazni  u  romantik  planda 
yaratdi. 

---

  Ustoz  yaratgan  har  bir  obraz  kamida  biron  tomoni,  biron  qirrasi  bilan  tomoshabin 
xotirasida o’rnashib qolardi. Bir voqea xotiramda: “Paxta shumg’iyalari” o’ynalmoqda edi. 
Abror aka bu spektaklda Omon rolida. Omonning ixtexzo, kesatiq bilan aytadigan so’zlari 
bor.  Ukasiga  kinoyali  nazar  tashlab,  ikki  qo’lini  ko’kragiga  qovushtirib,  “Xoy,  ulug’, 
bilmabmiz,  ma`zur  tuting!”  deb  sahnadan  chiqib  ketadi.  Shu  oddiy  lavhani  tomoshabinlar 
guldiros  qarsaklar  bilan  olqishlashardi.  Chunki  Abror  aka  yaratgan  Omon  dalada,  bozor-
o’charda, to’y-ma`rakada, choyxonada uchrab yurgan odamlarimizga juda o’xshash, ko’zga 
yaqin bo’lib qolgan edi. 
 
Sirojiddin Axmedov aktyor bilan  
olib borgan suxbat.“O’zbekiston adabiyoit  
va san`ati” 1981 y. 24 aprel. 4-son. 
 
  “Rustam”  asari  viloyat  teatrlarida  ham  qo’yilib,  unda  bosh  rolni  ijro  etgan  Asad 
Ismatov, Abbos  Bakirov  (Andijon), Sulaymon Qosimov, Soli  Ahmedov  (Farg’ona),  Razzoq 
Hamroyev  (Namangan),  Zanjirali  Mirzatoyev  (Qo’qon)  singari  aktyorlar  faoliyatida 
sezilarli iz qoldirgan.